Birgðastýring í netverslun

Tilgangur þessarar rannsóknar var að kanna hvaða aðferðir við birgðastjórnun er ákjósanlegasti kosturinn þegar kemur að íslenskum netverslunum. Rannsakandi vildi einnig athuga hvort þær netverslanir sem rætt var við væru að nýta sér sömu eða sambærilegar aðferðir þegar kemur að birgðastjórnun. Leitað var að svörum um helstu áskoranir eða áhættu sem fyrirtækin standa frammi fyrir með rekstur á netverslun og hversu mikilvægt það er að reka netverslun samhliða verslun. Markmið rannsóknar var að geta bent á þær aðferðir sem virka vel og fá innsýn inn í hvernig fyrirtæki beita þeim til að tryggja sem bestan árangur, ásamt því að koma í veg fyrir tap. Fræðilegur bakgrunnur nær yfir birgðir, birgðastjórnun og birgðakerfi, ásamt nokkrum undirköflum. Á eftir þeim koma aðrir kaflar þar sem fjallað verður um netverslun, neytendahegðun og markaðssetningu á netinu. Rannsakandi nýtti sér eigindlega rannsókn þar sem leitast var eftir svörum um aðferðafræði við birgðastjórnun, markaðssetningu á netinu og birgðakerfi. Tekin voru viðtöl við fimm einstaklinga með þekkingu á rannsóknarefninu. Niðurstöður þessarar rannsóknar benda til þess að aðferðafræði við birgðastýringu er mikilvæg, sama á hvaða markaði og á hvaða stærðarskala fyrirtækin eru. Hins vegar sýndu niðurstöður að ákveðin birgðakerfi henta fyrirtækjum út frá stærð þeirra.

Author dc:creator

• Karen Harpa Kristinsdóttir 1997-

Contributors dc:contributor

• Háskólinn á Bifröst

• Viðskiptafræði
• Birgðastýring
• Netverslun

Language dc:language.iso

is

Handle dc:identifier.uri

http://hdl.handle.net/1946/46313

OAI identifier oai:identifier

oai:skemman.is:1946/46313