Kornforði, fjársjóður Íslands? Rannsókn á hagkvæmni uppbyggingar neyðarkornbirgða fyrir kjarnfóðurframleiðslu

Innrás Rússlands í Úkraínu hefur haft umtalsverð neikvæð áhrif á fæðuöryggiá heimsvísu, þar á meðal Íslands. Bæði Þjóðaröryggisráð Íslands og Landbúnaðarháskóli Íslands hafa ráðlagt íslenska ríkinu að koma á fót sex mánaða neyðarbirgðum af helstu matvælum, einkum kornvörum, sem skiptir sköpum bæði fyrir manneldi og fóðurframleiðslu. Rannsókn þessi miðar að því að kanna hagkvæmni mismunandi valkosta ríkisins til þess að tryggja að í landinu séu til sex mánaða birgðir af kornvöru til kjarnfóðurframleiðslu fyrir íslenskan landbúnað. Markmið rannsóknarinnar er að finna hagkvæmasta valkostinn sem íslenska ríkið getur valið til að bæta fæðuöryggi þjóðarinnar í samræmi við tillögur þjóðaröryggisráðsins og Landbúnaðarháskólans. Aðferðarfræði rannsóknarinnar byggir á kostnaðarmati og áhættugreiningu á lykilþáttum mismunandi sviðsmynda með mismikilli aðkomu stjórnvalda. Niðurstöður rannsóknarinnar sýna fram á að hagkvæmasta leið íslenska ríkisins er að gera samning við kjarnfóðurframleiðendur á Íslandi,sem nú þegar eiga kornbirgðir,þar sem íslenska ríkið fjármagnar auka neyðarbirgðir kornvara sem uppfylli tillögu um sex mánaða neyðarbirgðir. Niðurstöður sýna að eignarhald á korni í neyðarbirgðum skuli vera í höndum einkaaðila og íslenska ríkið greiði eðlilega þóknun fyrir rekstur og viðhald neyðarbirgða.

Author dc:creator

• Karl Liljendal Hólmgeirsson 1997-

Contributors dc:contributor

• Háskólinn á Bifröst

• Viðskiptafræði
• Lokaritgerðir
• Fæðuöryggi
• Kostnaðargreining
• Áhættugreining
• Fóðurblöndur
• Korn

Language dc:language.iso

is

Handle dc:identifier.uri

http://hdl.handle.net/1946/45872

OAI identifier oai:identifier

oai:skemman.is:1946/45872