Hugmynd verður að veruleika

Frumkvöðlastarfsemi og nýsköpun hefur verið í sífelldum vexti á Íslandi undanfarin ár. Nokkur fyrirtæki sem hafa náð ákveðinni stærð á Íslandi byrjuðu aðeins sem hugmynd á blaði og þróuðust þaðan í sprotafyrirtæki og hafa aukið verðmætasköpun fyrir íslenskt þjóðfélag. Dæmi um Solid Cloud svo eitthvað sé nefnt. Í þessari ritgerð verður fjallað nánar um frumkvöðlastarfsemi á Íslandi og þróun hennar og hversu margar upprunalegar viðskiptahugmyndir verða að veruleika. Skoðað verður vægi viðskiptaáætlana og hvort eigendur sprotafyrirtækja þurfa að gera slíka í byrjun. Einnig verður fjallað um markaðsáætlanir, viðskiptalíkön og neytandann. Næst verður gerð grein fyrir frumkvöðlaumhverfinu á Íslandi ásamt nýsköpun og mikilvægi hennar. Eigindlega rannsóknin var gerð í þeim tilgangi að skoða hvort viðmælendur höfundar færu sömu eða svipaða leið eins og þeir ætluðu sér þegar þeir stofnuðu fyrirtæki út frá viðskiptahugmynd. Greint verður frá niðurstöðum eigindlegu rannsóknarinnar. Höfundur tók viðtal við fjóra frumkvöðla. Þeir svöruðu spurningalista, sem útbúinn var fyrir viðtölin, með tólf spurningum. Niðurstöðurnar úr eigindlegu rannsókninni gáfu til kynna að upprunaleg viðskiptahugmynd allra frumkvöðlanna hafi tekið breytingum en á mismunandi vegu. Þær gáfu einnig til kynna erfiðleika við að safna fyrsta fjármagni og að opinberir styrkir geti skipt sköpum í byrjun. Niðurstöðurnar sýndu að nýsköpunarumhverfi á Íslandi hefur batnað og hafa stjórnvöld á Íslandi áttað sig á mikilvægi nýsköpunar og þeirri auknu verðmætasköpun sem henni fylgir.

Author dc:creator

• Kristófer Melsted 1999-

Contributors dc:contributor

• Háskólinn á Bifröst

• Lokaritgerðir
• Viðskiptafræði
• Frumkvöðlafræði
• Nýsköpun í atvinnulífi
• Viðskiptaáætlanir
• Fjármögnun

Language dc:language.iso

is

Handle dc:identifier.uri

http://hdl.handle.net/1946/42958

OAI identifier oai:identifier

oai:skemman.is:1946/42958