Er Reykjavíkurborg félagsmálaþjónusta landsmanna?

Lítið hefur verið um samanburð á þeim þáttum sveitarfélaga sem snúa að samkeppni þeirra á milli. Rannsóknarspurningin sem unnið er út frá er sú hvort Reykjavíkurborg sé félagsmálaþjónusta landsmanna. Samanburðurinn nær til höfuðborgarsvæðisins og skoðaðir þættir þar sem sveitarfélögin eru í samkeppnisrekstri hvort við annað um að veita íbúum félagslega þjónustu. Þessi rannsókn er byggð á hvoru tveggja eigindlegri- og megindlegri aðferðafræði. Tekin voru viðtöl við tvo einstaklinga og unnið með tölfræðilegar upplýsingar til að greina hvernig sveitarfélög keppa sín á milli. Helstu niðurstöður þessarar rannsóknar má flokka upp í nokkra þætti sem byggja á huglægu mati höfundar. Sveitarfélögin eiga í víðtæku samstarfi í ákveðnum málaflokkum. Sú reynsla sýnir að þau geta unnið saman og ástæða er til að huga að sameiningu sveitarfélaga á höfuðborgarsvæðinu. Misræmi er í þeirri félagslegu aðstoð sem þau veita sem skekkir samkeppni og er í mótsögn við ákvæði stjórnarskrár og vilji er til að samræma reglur um aðstoð til að hún sé alls staðar eins. Huga þarf að lýðræðinu og hvernig er hægt að færa ákvarðanatöku meira til almennings til þess að virkja hann til þátttöku. Sveitarfélögum er í lögum veitt heimild til að ákvarða útsvarsprósentu sína sjálf. Þetta fyrirkomulag býður hættunni heim og getur leitt til aukinnar stéttaskiptingar og til verði „skattaskjól“ innanlands því tekjuháir einstaklingar geta haft verulega hagsmuni af því að færa lögheimili sitt þangað sem útsvar er lægst. Lykilorð sem ágætt er að hafa í huga: samkeppni, samvinna, lýðræði, fjárhagsaðstoð og útsvar.

Author dc:creator

• Rúnar Einarsson 1971-

Contributors dc:contributor

• Háskólinn á Bifröst

• Stjórnsýsla
• Sveitarstjórnir
• Félagsþjónusta
• Samvinna
• Samkeppni
• Útsvar
• Lokaritgerðir

Language dc:language.iso

is

Handle dc:identifier.uri

http://hdl.handle.net/1946/39566

OAI identifier oai:identifier

oai:skemman.is:1946/39566