Hvernig standa íslensk stjórnvöld að miðlun upplýsinga til erlendra aðila?

Mikilvægi faglegra almannatengsla og miðlunar upplýsinga hefur aukist verulega með tilkomu samfélagsmiðla. Upplýsingalög skylda stjórnvöld jafnframt til að veita ákveðnar upplýsingar. Jafnframt er æ aukin þörf á því að í krísum sé rétt staðið að málum við að upplýsa almenning og við að gæta að ímyndarmálum. Í ritgerð þessari er þeirri spurningu svarað hvernig íslensk stjórnvöld standa að upplýsingamiðlun til erlendra aðila. Annars vegar er um fræðilega megindlega rannsókn að ræða og hins vegar eigindlega rannsókn þar sem tekin voru viðtöl við aðila sem vinna að þessum málum. Tilgáta höfundar var sett fram um að stjórnvöld væru í samstarfi við aðila erlendis og nýttu þá í miklum mæli við að miðla upplýsingum. Í niðurstöðum kemur fram hvernig staðið er að þessum málum og sá lærdómur sem stjórnvöld hafa dregið á síðustu árum. Tilgátur höfundar reyndust að mestu réttar. Stjórnvöld eru með aðila erlendis sem vakta alla umræðu og veita ráðgjöf varðandi viðbrögð. Þá sinna ráðuneytin, sendiráðin og Íslandsstofa upplýsingagjöf. Ráðuneyti og Íslandsstofa sinna auk þess krísustjórnun þegar við á og koma að ímyndarmálum auk þess sem aðilar reyna að nýta sér fjölmargar leiðir til að koma jákvæðum málefnum Íslands á framfæri erlendis með dagskrárvaldi.

Author dc:creator

• Ingvar P. Guðbjörnsson 1979-

Contributors dc:contributor

• Háskólinn á Bifröst

• Lokaritgerðir
• Upplýsingamiðlun
• Ferðamenn
• Almannatengsl
• Ríkið

Language dc:language.iso

is

Handle dc:identifier.uri

http://hdl.handle.net/1946/35023

OAI identifier oai:identifier

oai:skemman.is:1946/35023