Geta Íslendingar "mjólkað" Evrópusambandið?

Í verki þessu er leitast við að svara þeirri spurningu hvaða áhrif það hefði á íslenska mjólkurframleiðslu og alla þá sem henni tengjast að Ísland gengi í Evrópusambandið. Fyrst eru landbúnaðarkerfi þessara tveggja aðila borin saman. Styrkjakerfin eru ólík en reynt er að gera þeim báðum sem best skil. Þá er verðlagning til neytenda og bænda einnig borin saman og hvernig mismunandi staða iðnaðarins í samkeppnislögum og samkeppnisumhverfi hefur áhrif. Farið er yfir hvað kom helst fram í aðildarviðræðum Íslands við ESB á árunum 2009 til 2013 um mjólkuriðnaðinn og hvort hægt sé að draga ályktanir af þeim viðræðum um hvað yrði uppi á teningnum ef samningaviðræður yrðu hafnar á ný. Sérstaklega er litið til Finnlands og þeirra áhrifa sem urðu á mjólkuriðnaði þar í landi, þegar landið gekk fyrst inn, sem og uppbygging kerfisins, eins og það er í dag, skoðað sem nærtækasta dæmið um hvernig kerfið myndi líta út á Íslandi við inngöngu. Þá er farið yfir þau tækifæri sem gætu opnast fyrir íslenskan mjólkuriðnað við aðild og er þar sérstaklega litið til hreinleika íslensks landbúnaðar sem og þeirra miklu breytinga sem yrðu á fjármálakerfi landsins við upptöku evru. Helstu niðurstöður eru þær að landbúnaðarkerfið myndi gjörbreytast, samkeppni myndi aukast, styrkir myndu lækka en þeir yrðu greiddir út á annan máta sem fela í sér ýmis tækifæri. Verð til bænda og neytenda myndi lækka til muna og opnun fyrir innflutning myndi hafa mikil áhrif á markaðinn. Þá eru mikil tækifæri fólgin í markaðssetningu á íslenskri vöru erlendis ef þess er gætt að allt eftirlit og hreinleiki standist ströngustu kröfur. Niðurstöður leiða ekki í ljós eitt beint svar um hvort aðild komi markaðnum vel eður ei en dregnir eru fram allir helstu áhrifaþættir sem vert er að hafa í huga þegar kemur að ákvörðunartöku. Sú ákvörðun er þó að miklu leyti háð þeim samningi sem næstnæðist ef gengið yrði aftur að samningsborðinu. Hægt er þó að draga skýrar ályktanir um stóran hluta þeirra breytinga sem yrðu, fyrir neytendur, afurðastöðvar og bændur. Þær eru allar settar fram og er niðurstaðan sú að útkoman yrði aldrei óumdeild og eru skýr og góð rök til staðar, bæði með og gegn aðild fyrir íslenskan mjólkurmarkað.

Author dc:creator

• Teitur Erlingsson 1995-

Contributors dc:contributor

• Háskólinn á Bifröst

• Lokaritgerðir
• Evrópusamstarf
• Bændur
• Neytendur
• Tollar
• Styrkir
• Landbúnaðarafurðir
• Samkeppni í viðskiptum

Language dc:language.iso

is

Handle dc:identifier.uri

http://hdl.handle.net/1946/32486

OAI identifier oai:identifier

oai:skemman.is:1946/32486