Mikilvægi undirbúnings í samningaviðræðum

Þessi ritgerð er gerð í þeim tilgangi að rannsaka hvernig sé best að undirbúa sig fyrir samningagerð. En samningar og samningagerð skipa stóran sess í nútímasamfélagi, allir lenda í samningagerð einhvern tíma á lífsleiðinni. Það eru þrír þættir sem skipta öllu máli við undirbúning, sjálfsmat, skoðun mótaðila og mat á aðstæðum. Sama hverja af þessum þáttum eru teknir fyrir, upplýsingaöflun skiptir alltaf lykilatriði. Við sjálfsmat þarf að skilgreina vel hvaða þættir það eru sem skipta mestu máli og hvað þættir það eru sem skipta minna máli. Samhliða því þarf að gera sér grein fyrir því hvert markmiðið er þ.e. draumaniðurstaðan. Einnig þarf að finna út hvar við erum tilbúinn að standa upp frá samningaborðinu og hætta við, svokallaður útgangspunktur. Lykilhugtak í samningatækni er BATNA, eða besta valmöguleika annan en núverandi samkomulag. Er BATNA notað sem einskonar stöðumat, um hvort taka eigi samningstilboði eða ekki. Við undirbúning ættu samningamenn alltaf að koma sér upp eins sterku BATNA og mögulegt er með því að vera vakandi fyrir öllum þeim mögleikum sem þeir hafa. Við undirbúning þarf ekki bara að huga að sínu eigin BATNA heldur líka BATNA mótaðila. Að finna út hvaða möguleika mótaðili hefur getur verið mikilvægt vopn þegar að samningaborðinu er komið.

Author dc:creator

• Ásgeir Örn Hallgrímsson 1984-

Contributors dc:contributor

• Háskólinn á Bifröst

• Samningar
• Samningatækni
• Lokaritgerðir

Language dc:language.iso

is

Handle dc:identifier.uri

http://hdl.handle.net/1946/31918

OAI identifier oai:identifier

oai:skemman.is:1946/31918