Til hvaða þátta ættu fyrirtæki að líta til við val á áhrifavöldum til markaðssetningar.

Eftirfarandi ritgerð hefur það markmið að taka saman þau atriði sem að aðilar sem hafa tekið ákvörðun um notkun áhrifavalda í markaðsstarfi þurfi helst að hafa í huga þegar þeir velja áhrifavald til verksins. Það eru ótal hliðar sem þarf að skoða og mismunandi atriði sem að þarf að kanna með tilliti til þeirra markhópa sem ætlunin er að tala til sem og þeirra markmiða sem ætlað er að ná. Rannsóknarspurningin er: „Til hvaða þátta ættu fyrirtæki að líta til við val á áhrifavöldum til markaðssetningar.“ Rannsóknin var tvíþætt, annars vegar í formi spurningakönnunar og hins vegar voru framkvæmd hálfopin viðtöl. Fyrri aðferðin nefnist megindleg rannsóknaraðferð og var þá spurningakönnun send út og dreift rafrænt í gegnum samfélagsmiðilinn Facebook þar sem alls 503 tóku þátt. Eigindleg rannsókn var í formi fjögurra hálfopinna viðtala við sérfræðinga sem fóru fram víðsvegar um Reykjavík og eitt í gegnum síma. Viðtölin voru síðan diktuð upp og greind eftir viðurkenndum aðferðum. Helstu niðurstöður rannsóknar leiddu í ljós að fyrirfram skilgreind markmið samstarfs verða að vera skýr áður en vinna með áhrifavaldi er hafin og hvaða vandamál ætlunin er að leysa. Þegar það liggur fyrir er ákveðið hvort farið verði í skammtíma vinnu með þessum aðila/aðilum eða hvort að um langtíma samband sé um að ræða. Þegar um skammtíma vinnu er að ræða, er það oft til þess að kynna nýjar vörur eða koma umtali um vörumerki á flug. Þá er áhættan minni og komu upp þrír meginþættir sem að aðilar skulu veita athygli sérstaklega. Það eru styrkleikar eigin miðla, dreifing og einfaldleiki, m.ö.o. að fara ekki með of flóknar vörur eða þjónustur í slíkt samstarf. Málin flækjast þó fyrir alvöru þegar aðili er valinn til langtímasamstarfs. Þá komu eftirfarandi hlutir fyrir: 1. Ímynd – Íhuga þarf ímynd áhrifavalda og hvort hún rými við það sem fyrirtækið sem fer í samstarfið stendur fyrir. 2. Framsetning á efni – Hvort að framsetning á auglýsingum áhrifavaldanna sé ásættanleg og hvort samstarfsfyrirtækið vill tengja vörumerki sitt við hana. 3. Yfirsýn – Hvaða yfirsýn samstarfsaðilinn hefur um það markaðstarf sem fer fram í gegnum þennan aðila? Hvað á að mæla og hvernig? 4. Traust – Það er stórt skref að lána aðila vörumerki og einnig fyrir hann að fara í samstarf með áhrifavaldinum, og því verður gagnkvæmt traust að vera til staðar. 5. Trúverðugleiki – Trúverðugleiki áhrifavalds verður að vera til staðar því að fjöldi áhorfa þýðir ekki raunverulega að hann hafi áhrif á kauphegðun fólks.

Author dc:creator

• Atli Björgvinsson 1989-

Contributors dc:contributor

• Háskólinn á Bifröst

• Viðskiptafræði
• Markaðssetning
• Samfélagsmiðlar
• Auglýsingar
• Netið

Language dc:language.iso

is

Handle dc:identifier.uri

http://hdl.handle.net/1946/29690

OAI identifier oai:identifier

oai:skemman.is:1946/29690