S-verslun í íslensku samfélagi

Meginmarkmið rannsóknarinnar var að kanna hvort vettvangur væri fyrir s-verslun meðal nemenda við Háskólann á Bifröst. Rannsóknin var að mestu leyti unnin út frá megindlegri aðferðafræði þar sem spurningalisti var sendur í tölvupósti á nemendur við Háskólann á Bifröst vorið 2017. Minnihluti rannsóknarinnar var unninn út frá eigindlegri aðferðafræði en unnið var með niðurstöður úr djúpviðtölum sem tekin voru við áhrifafólk í atvinnulífinu sem tengjast snjalllausnum eða tækni. Helstu niðurstöður voru þær að 66% svarenda sögðust hafa séð vörur í þáttum eða kvikmyndum sem þá hafi langað til að kaupa. Ekki var sérstakur munur milli kynja. Tæplega helmingur kvenna sagðist myndi kaupa vörur í þáttum eða kvikmyndum ef þeim gæfist kostur á því. Flestir myndu kaupa þjónustu, fatnað og rafmagnstæki. Viðhorf stjórnenda í tæknifyrirtækjum sem tóku þátt í rannsókninni gagnvart s-verslun er almennt jákvætt. Tala flestir þeirra um að kerfið þurfi að vera einfalt og með sem minnsta áreiti. Ekki er marktækur munur á áhuga fyrir s-verslun eftir aldri. Niðurstöður rannsóknarinnar benda til þess að mögulegur vettvangur sé fyrir s-verslun. Að minnsta kosti meðal kvenkyns nemenda við Háskólann á Bifröst.

Author dc:creator

• Oddur Bogason 1986-

Contributors dc:contributor

• Háskólinn á Bifröst

• Lokaverkefni
• Viðskiptafræði
• Verslun
• Netverslun

Language dc:language.iso

is

Handle dc:identifier.uri

http://hdl.handle.net/1946/28371

OAI identifier oai:identifier

oai:skemman.is:1946/28371