Íslensk netverslun : greining á samkeppnisumhverfi íslenskra netverslana

Ört stækkandi hópur tölvu- og netnotenda hefur leitt af sér auknar kröfur um aðgengi að verslun og þjónustu á netinu. Neysla á netinu hefur margfaldast á seinustu árum og bendir ekkert til annars en að sú þróun haldi áfram á næstu misserum. Tilgangur: Tilgangur rannsóknar var að greina samkeppnisumhverfi íslenskra netverslana. Aðferð: Tekin voru þrjú eigindleg einstaklingsviðtöl. Viðmælendur voru aðilar í stjórnunarstöðum innan netverslana á landinu. Viðtölin voru hljóðrituð og greind í þemu með innihaldsgreiningu. Niðurstöður: Eitt aðalþema var greint úr viðtölunum: Samkeppnisleg staða íslenskra netverslana. Aðalþema greindist síðan niður í sex undirflokka sem voru þessir: fjölbreytni í afhendingarmáta, póstsendingar kostnaðarsamar, aðgengi viðskiptavina, pólitískt umhverfi, hár inngangsþröskuldur og eiginleiki netverslunar. Ályktanir: Samkeppnishæfni íslenskra netverslana er góð að mörgu leiti hér á landi hvort sem horft er til hefðbundinnar verslunar eða netverslana erlendis. Þrátt fyrir að erfitt geti verið að keppa við erlendar verslanir í verði þá hafa netverslanir á Íslandi ýmsa þætti sem hafa ákveðið virði í huga neytanda eins og traust, ábyrgð, skilarétt og fjölbreytileika í afhendingarmáta og tíma. Einnig hafa netverslanir forskot á hefðbundnar verslanir þegar kemur að þægindum, opnunartíma og aðgengi. Lykilhugtök: Vefverslun, netverslun, samkeppni, póstþjónusta og netnotkun.

Author dc:creator

• Björn Kristjánsson 1983-

Contributors dc:contributor

• Háskólinn á Bifröst

• Verslanir
• Netið
• Samkeppni í viðskiptum

Language dc:language.iso

is

Handle dc:identifier.uri

http://hdl.handle.net/1946/22045

OAI identifier oai:identifier

oai:skemman.is:1946/22045