Ágirnd vex með eyri hverjum : hvernær má rekja gjaldþrot til kennitöluflakks og hvert er samfélagslegt tjón gjaldþrota?

Félagaformið eins og við þekkjum það í dag á rætur sínar að rekja aftur til sautjándu og átjándu aldar þegar mikil umskipti áttu sér stað á búsetuformi manna í Evrópu og því samfélagi sem áður þekktist. Almenningur flykktist úr bæ í borg vegna breyttra atvinnumöguleika sem komu með stofnun ýmiskonar félaga. Til þessa tíma má rekja hlutafélagaformið þó það hafi þá verið að mörgu leyti ólíkt því sem þekkist í dag. Með tilkomu breyttra félagaforma hvort sem um félög með ótakmarkaða og takmarkaða ábyrgð er að ræða eru gjaldþrot fylgifiskur þess og eiga sér stað þegar að félög geta ekki staðið við skuldbindingar sínar. Í þessu verkefni verður rannsakað hvenær megi rekja gjaldþrot til kennitöluflakks en það má segja að sé hið „óeðlilega gjaldþrot“, þegar farið er á svig við lög og reglur í eiginhagsmunaskyni. Hið samfélagslega tjón sem hlýst bæði af völdum gjaldþrota og kennitöluflakks má sjá sem beint fjárhagslegt tjón fyrir samfélagið í heild sem og í skekkju á samkeppnismarkaði svo fátt eitt sé nefnt. Aðeins lítið brot af útistandandi skuldum þrotabúa fást greiddar sem veldur samfélaginu í heild verulegu tjóni í ljósi þess að einn af stærstu kröfuhöfum gjaldþrota félaga er ríkið eða opinberir sjóðir landsmanna. Vitað er um þennan vanda en lítið um hann fjallað, þó hefur Alþýðusamband Íslands sem í upphafi var að rannsaka svarta atvinnustarfsemi áttaði sig á vandanum og berst nú fyrir breyttri löggjöf til að bæta íslenska viðskiptahætti.

Author dc:creator

• Ingibjört Rakel Kristjönudóttir 1988-

Contributors dc:contributor

• Háskólinn á Bifröst

• Viðskiptafræði
• Gjaldþrot
• Kennitölur
• Hlutafélög
• Samfélagsábyrgð

Language dc:language.iso

is

Handle dc:identifier.uri

http://hdl.handle.net/1946/16857

OAI identifier oai:identifier

oai:skemman.is:1946/16857