Umbreyting sjónarmiða íbúa í skipulagsferli grænna almenningsrýma Tilvikið Akureyrarvöllur

Í rannsókn þessari er skoðað hvernig gildi og sjónarmið íbúa birtast og umbreytast þegar þau færast frá samráðsferli yfir í formleg skipulagsgögn, þar sem Akureyrarvöllur á Akureyri er notaður sem tilvik. Beitt var eigindlegri skjalagreiningu á samráðsgögnum úr íbúaþinginu Akureyri í öndvegi (2004) og formlegum skipulagsgögnum sveitarfélagsins, með greiningarramma sem byggður er á þrívíðu líkani staðartengsla og kenningum um vald og þátttöku. Greining samráðsgagnanna leiddi í ljós fimm meginþemu sem endurspegla helstu gildi og sjónarmið íbúa: líf og starfsemi í miðbænum; tengingar og aðgengi; græn svæði og útivist; vernd bæjarmyndar; og ólík sjónarmið og hagsmuni. Samanburður við skipulagsgögnin sýndi að umbreyting þessara sjónarmiða er margþætt ferli þar sem ákveðin sjónarmið halda sér, önnur aðlagast og sum veikjast eða hverfa. Niðurstöður benda til tveggja samverkandi skýringa á umbreytingunni. Annars vegar mótar vald og fagleg síun innan skipulagskerfisins hvaða sjónarmið fá vægi í formlegri ákvarðanatöku. Hins vegar eiga staðartengsl íbúa, byggð á upplifun, minningum og daglegri notkun, erfitt með að halda sér þegar þau eru þýdd yfir í tæknilegt tungumál skipulags. Rannsóknin sýnir að lýðræðisleg þátttaka í skipulagi felur ekki sjálfkrafa í sér jafnt vægi allra sjónarmiða, heldur fer hún fram innan ramma þar sem vald og fagleg túlkun móta niðurstöðuna.

Author dc:creator

• Hrafnhildur A Jónsdóttir 1984-

Contributors dc:contributor

• Landbúnaðarháskóli Íslands

• Skipulagsfræði
• Samráð
• Staðartengsl
• Þátttaka íbúa
• Skipulagsferli
• Umbreyting sjónarmiða

Language dc:language.iso

is

Handle dc:identifier.uri

https://hdl.handle.net/1946/53711

OAI identifier oai:identifier

oai:skemman.is:1946/53711