Endurheimt votlendis á Íslandi: Staða, stefna og framkvæmd í tengslum við loftslagsaðgerðir

Endurheimt votlendis er talin ein áhrifamesta mótvægisaðgerð Íslands í loftslagsmálum, einkum vegna þess að framræst votlendi er stærsta einstaka uppspretta losunar gróðurhúsalofttegunda frá landnotkun hér á landi. Markmið þessarar ritgerðar er að varpa ljósi á stöðu endurheimtar votlendis á Íslandi í dag, hvernig hún tengist stefnumótun stjórnvalda og alþjóðlegum skuldbindingum í loftslagsmálum, og hversu vel raunverulegt umfang framkvæmda samræmist settum markmiðum. Rannsóknin byggir á eigindlegri greiningu á opinberum gögnum, meðal annars aðgerðaáætlunum stjórnvalda, lögum og stefnumótandi skjölum, ársskýrslum opinberra stofnana, loftslagsbókhaldi Íslands og fyrirliggjandi rannsóknum á losun og bindingu gróðurhúsalofttegunda í votlendi. Sérstök áhersla er lögð á hlutverk stofnana sem koma að endurheimt votlendis, einkum Lands og skógar, og á þróun aðferðafræði og stjórntækja tengdra loftslagsbókhaldi og vottun kolefniseininga. Niðurstöður sýna að þrátt fyrir skýra áherslu á endurheimt votlendis í stefnumörkun síðustu ára hefur raunverulegt umfang endurheimtaverkefna verið takmarkað í samanburði við þau markmið sem sett hafa verið fram. Greiningin bendir jafnframt til þess að misræmi sé á milli stefnumarkmiða og framkvæmdar, m.a. vegna flókins stjórnsýsluumhverfis, takmarkaðs fjármögnunar, skorts á heildstæðri yfirsýn yfir endurheimtarsvæði og þess að endurheimt votlendis er langtíma vistfræðilegt ferli þar sem árangur birtist ekki strax. Af samantektinni sem hér er kynnt má draga þá ályktun að til að endurheimt votlendis nýtist til fulls sem loftslagsaðgerð þurfi að efla samræmi milli stefnumótunar og framkvæmdar, bæta skráningu og vöktun endurheimtarsvæða og tryggja stöðuga stjórnsýslulega og fjárhagslega umgjörð til lengri tíma.

Author dc:creator

• Ragnhildur Anna Þorgeirsdóttir 1970-

Contributors dc:contributor

• Landbúnaðarháskóli Íslands

• Náttúru- og umhverfisfræði
• Endurheimt votlendis
• Loftslagsmál
• Landnýting
• LULUCF
• Gróðurhúsalofttegundir

Language dc:language.iso

is

Handle dc:identifier.uri

https://hdl.handle.net/1946/53701

OAI identifier oai:identifier

oai:skemman.is:1946/53701