Hjólaleiðir í dreifbýli

Verkefnið fjallar um möguleika á hjólaleið milli Hellu og Hvolsvallar á Suðurlandi. Markmið þess er að skoða hvernig hjólaleið í dreifbýli getur nýst sem örugg samgöngutenging en jafnframt styrkt útivist, landslagsupplifun og tengsl við áhugaverða staði á svæðinu. Í verkefninu er fjallað um öryggi hjólandi vegfarenda á þjóðvegum, hönnunarviðmið fyrir hjólaleiðir, erlendar fyrirmyndir og staðbundnar forsendur rannsóknarsvæðisins. Bornir eru saman tveir leiðarkostir. Annars vegar er skoðuð bein leið meðfram þjóðvegi 1 og hins vegar leið sem sækir meira inn í landslagið og tengir saman staði á borð við Gunnarsholt, Keldur og Eystri-Rangá. Leiðarkostirnir eru metnir út frá öryggi, landslagi, tengingum, upplifun, læsileika og framkvæmanleika. Samanburðurinn sýnir að leið sem liggur að hluta utan þjóðvegar fellur betur að markmiðum verkefnisins, þar sem hún býður upp á meiri aðskilnað frá hraðri bílaumferð, fjölbreyttari upplifun og sterkari tengingu við landslag og staðareinkenni. Í hönnunartillögunni er valinn leiðarkostur þróaður áfram með áherslu á legu stígs, yfirborð, tengingar, áningarstaði og sérstakar útfærslur á lykilstöðum. Verkefnið sýnir hvernig hjólaleið í dreifbýli getur verið meira en einfalt samgöngumannvirki og jafnframt orðið hluti af útivist, ferðamennsku og landslagsupplifun.

Author dc:creator

• Ólöf Dagmar Guðmundsdóttir 1999-

Contributors dc:contributor

• Landbúnaðarháskóli Íslands

• Landslagsarkitektúr
• Hjólaleiðir í dreifbýli
• Hjólastígar
• Landslagsgreining
• Leiðarkostir
• Umferðaröryggi
• Upplifunarleið
• Hella
• Hvolsvöllur

Language dc:language.iso

is

Handle dc:identifier.uri

https://hdl.handle.net/1946/53698

OAI identifier oai:identifier

oai:skemman.is:1946/53698