Governance Attributes Influencing the Expansion of Birch Woodlands in Iceland

Þessi rannsókn skoðar stjórnunartengda þætti sem hafa áhrif á endurheimt birkiskóga á Íslandi, með sérstakri áherslu á sögulegt samhengi og samsetningu stjórnkerfis birkiskóga og samskipti innan þess, á þeim tíma sem rannsóknin var framkvæmd. Áður fyrr voru birkiskógar útbreiddir um allt land, en hafa í gegnum aldirnar minnkað verulega, til að mynda vegna skógarhöggs fyrri tíma og breytinga á landnýtingu. Markmið ritgerðarinnar er að greina helstu stjórnunarþætti sem hafa haft áhrif á útbreiðslu birkiskóga á Íslandi á síðustu öld og að varpa ljósi á breytur sem geta ýtt undir eða hindrað framtíðarvöxt þessara vistkerfa. Með ítarlegri greiningu á núverandi stjórnunarumhverfi og sögulegum landstjórnunaraðferðum greinir þessi rannsókn mikilvæga drifkrafta farsælla endurheimtarverkefna, þar á meðal þátttöku samfélagsins, stuðning við stefnumótun og vistfræðilega sérfræðiþekkingu. Rannsóknaraðferðin byggir á víðtækri greiningu á fræðilegum heimildum tengdum birkiskógum, vernd og endurheimt þeirra, auk hálfopinna viðtala við 11 sérfræðinga sem unnu innan eða höfðu unnið innan stjórnkerfis birkiskóga á þeim tíma sem rannsóknin var framkvæmd. Niðurstöðurnar voru settar saman í ramma til að greina stjórnunar- og félagslega þætti sem hafa mögulega áhrif á árangur endurheimtar. Niðurstöðurnar benda til að núverandi stjórnkerfi endurheimtar birkiskóga sé hugsanlega ekki nógu skilvirkt til að ná markmiði stjórnvalda fyrir árið 2030 um að auka útbreiðslu birkiskóga upp í 5%. Rannsóknin varpar ljósi á undirliggjandi áskoranir innan stjórnkerfis birkiskóga, svo sem stjórnunartengda óskilvirkni, skort á fjármagni og árekstra vegna mismunandi landnýtingar. Bæði söguleg gögn og viðhorf sérfræðinga draga fram hversu flókið samspil margra þátta hefur áhrif á árangur endurheimtar. Þrátt fyrir að fjöldi viðmælenda að baki rannsókninni takmarki alhæfingargildi niðurstaðna, gefa þær þó sterkar vísbendingar sem krefjast frekari rannsókna.

Author dc:creator

• Ingólfur Pétursson 1987-

Contributors dc:contributor

• Landbúnaðarháskóli Íslands

• Birkiskógar
• Endurheimt vistkerfa
• Loftslagsbreytingar
• Umhverfisstjórnsýsla
• Auðlindastýring
• Líffræðileg fjölbreytni

Language dc:language.iso

en

Handle dc:identifier.uri

https://hdl.handle.net/1946/51487

OAI identifier oai:identifier

oai:skemman.is:1946/51487