Influence of muskox carcasses on soil nutrients and vegetation in a High Arctic ecosystem in northeast Greenland

Hræ stórra spendýra geta haft veruleg áhrif á jarðveg og gróður þar sem þau falla til, einkum sökum aukinnar næringarefnaákomu. Slík áhrif eru sérstaklega mikilvæg í næringarsnauðum vistkerfum, s.s. freðmýrum, þar sem aukið framboð næringarefna getur haft langvarandi áhrif. Rannsóknir á þessum áhrifum í slíkum vistkerfum hafa hingað til verið frekar takmarkaðar, og í fæstum tilvikum náð til hræja eldri en fimm ára. Í þessari rannsókn kannaði ég áhrif 16 sauðnautahræja (0 til 43 ára gamalla) á framboð næringarefna í jarðvegi og samsetningu gróðurs á norðaustur Grænlandi. Sérstaklega var litið til þess hvort næringarefnaforði jarðvegs væri breytilegur m.t.t. aldurs hræjanna. Ég kannaði bæði samsetningu gróðurs og næringarinnihald jarðvegs á þeim stöðum sem hræin höfðu fallið til á, og eins á samanburðarsvæðum tveimur metrum frá hræjunum. Af þeim tólf næringarefnum sem voru greind, voru sex umtalsvert hærri á svæðunum sem hræin voru á (N, K, P, Mn, Zn og S). Einnig leiddi rannsóknin í ljós að samsetning gróðurs var töluvert öðruvísi við hræin samanborið við samanburðarsvæðin, en stigull var þar á milli. Grös voru ríkjandi á þeim svæðum sem hræin voru á, en magn flétta jókst aftur á móti með aukinni fjarlægð frá hræjunum. Athyglisvert var að gróður var fjölbreyttari á samanburðarsvæðunum en á svæðunum sem hræin voru á, sem gefur til kynna að líklega hafi ríkjandi staða grasa leitt af sér einsleiti. Í samræmi við það var þekja sígrænna runna meiri á samanburðarsvæðunum en við hræin. Hins vegar fannst enginn marktækur munur á þekju blaðfellandi runna og mosa milli reitanna og aldur hræja virtist ekki hafa áhrif á framboð næringarefna í jarðvegi, sem gefur til kynna að næringarefnin haldist í jarðveginum árum eða jafnvel áratugum saman. Rannsókn þessi sýnir þannig fram á að hræ stórra spendýra hafa afgerandi og langvarandi áhrif á bæði næringarefnaforða jarðvegs og samsetningu gróðurs á norðurslóðum og eykur á þann hátt á breytileika á landslagsvísu á næringarsnauðum svæðum.

Author dc:creator

• Britta Steger 1997-

Contributors dc:contributor

• Landbúnaðarháskóli Íslands

• Sauðnaut
• Næringarefnaforði
• Gróðurfar
• Norðlægar slóðir
• Freðmýri
• Hræ
• Umhverfisbreytingar á norðurslóðum
• Carcass
• Muskox
• Soil Nutrients
• Plant Community Composition
• Arctic
• Tundra
• EnCHiL

Language dc:language.iso

en

Handle dc:identifier.uri

http://hdl.handle.net/1946/46246

OAI identifier oai:identifier

oai:skemman.is:1946/46246