Landslag innan arkitektúrs

Á undanförnum árum hefur umhverfið tekið miklum breytingum, stór mannvirki verða stærri, hraðinn og álagið eykst með hverju árinu. Í hraða nútímans þar sem stress og álag er mikið er mikilvægt að skoða umhverfið og byggingar, ekki bara útfrá fagurfræði og skilvirkni heldur einnig hvaða áhrif þetta mótaða umhverfi hefur á heilsu okkar. Flestir flugvellir og umhverfi þeirra eru gott dæmi um streituvaldandi umhverfi en þó ekki allir. Umhverfissálfræði og upplifunarhönnun eru að skapa sér völl með því sjónarhorni hvaða áhrif umhverfið hefur á líðan okkar. Landslag og gróður hefur frá upphafi mannsins talið hafa slakandi áhrif og tengir okkur aftur við rætur okkar. Það er því þörf á að skoða hvernig hægt sé að endurhanna/þróa svæði sem að óbreyttu hafa neikvæð áhrif á stóran hluta fólks yfir í róandi, spennandi og jafnvel fræðandi umhverfi. Verkefni þetta felst í því að bera saman erlend og innlend verkefni sem hafa það að leiðarljósi að bæta umhverfið með náttúru, móta og hanna hana innan-, og utanhúss, gera upplifunina ógleymanlega og endurnærandi. Flugstöðvar með auknum flugsamgöngum og breyttum þörfum mannsins hafa stækkað og mörgum þykir umhverfi flugstöðva krefjandi og valdi streitu, álagi og jafnvel kvíða. Gerð er hönnunartillaga innan byggingar Flugstöðvar Leifs Eiríkssonar með ofangreint að leiðarljósi. Hannað með íslenskri náttúru að leiðarljósi, teikningar í tvívídd ásamt þrívíddar ásýndarmyndum. Niðurstöður verkefnisins sýna hvernig hægt er draga náttúruna inní arkitektúrinn með manngerðum og náttúrulegum lausnum.

Author dc:creator

• Birgitta Ösp Atladóttir 1982-

Contributors dc:contributor

• Landbúnaðarháskóli Íslands

• Landslagsarkitektúr

Language dc:language.iso

is

Handle dc:identifier.uri

http://hdl.handle.net/1946/44804

OAI identifier oai:identifier

oai:skemman.is:1946/44804