Heilandi garðar og möguleikar þeirra á Íslandi

Heilandi garðar hvort sem er fyrir andlega eða líkamlega endurheimt eru víða þekkt fyrirbæri. Fjölmargar heilbrigðisstofnanir eru farnar að koma upp görðum sem styðja við bata sjúklinganna ásamt því að veita starfsfólki og aðstandendum dýrmætt athvarf til að fá andlega endurheimt. Fyrir liggur fjöldi rannsókna sem hefur sýnt fram á raunverulegan árangur slíkra garða, þar sem bati gengur hraðar og betur og getur einnig haft áhrif á að sjúklingar þurfi minna af verkjalyfjum. Rannsóknir hafa einnig sýnt fram á að andleg veikindi vegna álags og streitu aukast sífellt og heilandi garðar geta hjálpað mikið í því samhengi eins og Alnarp garðurinn í Svíþjóð hefur sannað. Þrátt fyrir að nágrannalöndin í kringum okkur hafi mörg hver nýtt sér áhrifamátt slíkra garða þá hefur ekki verið komið upp slíkum garði hér á landi þrátt fyrir að græn svæði séu til staðar í kringum stofnanir. Með þessari ritgerð er því verið að hvetja og sína fram á möguleika og mikilvægi heilandi garða fyrir Ísland og þá sérstaklega beint sjónum að Landspítalanum Háskólasjúkrahúsi.

Author dc:creator

• Guðfinna Mjöll Magnúsdóttir 1979-

Contributors dc:contributor

• Landbúnaðarháskóli Íslands

Language dc:language.iso

is

Handle dc:identifier.uri

http://hdl.handle.net/1946/31979

OAI identifier oai:identifier

oai:skemman.is:1946/31979