Kítósanlausnir fyrir ylrækt

Gerð var tilraun með notkun kítósanlausnar við ræktun gúrkna (Cucumis sativus L.) í garðyrkjustöðinni að Laugalandi í Borgarfirði. Gúrkuplöntur (n=76) voru úðaðar þrisvar fyrstu fjórar vikur eftir sáningu með mismunandi sterkum kítósanlausnum framleiddum af Primex ehf. Meðferðarhópar voru þrír. Tveir fengu þynntar kítósanslausnir í tveimur styrkleikum (lausn:vatn = 1:3 og 1:9) og samanburðarhópur fékk eingöngu vatn. Sykruinnihald var mælt tvisvar yfir uppskerutímabilið með °brixmæli. Fylgst var með tilfellum sýktra plantna, en gúrkusýki (e. gummy stem blight) sem sveppurinn Didymella bryoniae veldur er algeng. Uppskera frá hverjum hópi var vigtuð daglega yfir allt uppskerutímabilið, sem náði frá 19. janúar til 2. apríl 2016, en uppskera/plöntu var ekki vigtuð. Marktæk áhrif kítósans á sykruinnihald fundust í seinni °brix-mælingu (P=0,0342) en ekki þeirri fyrri (P=0,524). Marktæk áhrif (P<0,001) þynnri kítósanlausnarinnar (1:9) fundust á tíðni (1,3%) sýkinga samanborið við samanburðarhópinn (18,4%). Áhrif sterkari kítósanlausnarinnar (1:3) voru nálægt því að vera marktæk (tíðni=7,9%; P=0,055). Marktækt hærri uppskera gúrkna mældist í 1:9 meðferðarhópnum í fyrstu (P=0,048), fjórðu (P=0,033) og fimmtu (P=0,009) viku uppskerutímabilsins. Marktæk áhrif fundust ekki á heildaruppskeru. Rannsóknin bendir til þess að sterkar kítósanlausnir geti dregið úr uppskeru gúrkna. Hópurinn sem fékk þynnri lausnina (1:9) uppskar 4,04% meira en samanburðarhópurinn og hópurinn sem fékk sterkari lausnina (1:3) uppskar 3,62% minna en samanburðarhópurinn.

Author dc:creator

• Brynhildur Svava Ólafsdóttir 1991-

Contributors dc:contributor

• Landbúnaðarháskóli Íslands

• Ylrækt
• Kítósa
• Gúrkur
• Didymella bryoniae

Language dc:language.iso

is

Handle dc:identifier.uri

http://hdl.handle.net/1946/25072

OAI identifier oai:identifier

oai:skemman.is:1946/25072