Thuthuwedzo ya tshofhinga tsha tshanduko ya kumalele kwa Vhavenda: ho sedzwa lumalo

Ṱhoḓisiso iyi yo ḓisendeka kha tshanduko ya kumalele kwa Vhavenḓa zwo ṱuṱuwedzwa nga tshifhinga tshine ra khou tshila khatsho. Zwithu zwi khou ḓi shanduka zwi tshi ya na tshifhinga, naho tshanduko i tshi tea u vha hone ndi zwa ndeme u tevhela maitele oṱhe a mvelele yau. Thaidzo ya ṱhoḓisiso iyi ndi u shanduka ha lumalo u bva kha u vhumba vhushaka vhukati ha miṱa mivhili u ya kha vhushaka ha tshifhinganyana. Ndivho ya ṱhoḓisiso iyi ndi u bvisela khagala masiandoitwa a tshanduko ya lumalo lwa Vhavenḓa zwine zwo ṱuṱuwedzwa nga tshifhinga tsha musalauno. Kha ṱhoḓisiso iyi ho shuma thyori ya modenaizesheni ine i amba nga ha tshanduko ya matshilele a vhathu na zwithu. Ṱhoḓisiso iyi ndi ya lushaka lwa khwaḽithethivi. Muṱoḓisisi o kuvhanganya mafhungo awe kha vhathu vhane vha vha na nḓivho na tshenzhemo nga ha tshanduko ya lumalo lwa Vhavenḓa. Afha muṱoḓisisi o kuvhanganya mafhungo awe nga nḓila ya inthaviyu. Muṱoḓisisi o shumisa ṱhumbulo i si na khonadzeo ya u nangiwa (nonprobability sampling) ine ya dovha ya vha na matavhi o fhambanaho a ngaho ṱhumbulo yo livhaho (purposive sampling) vhunga hu tshi ḓo nangiwa vhathu vhane vha vha na nḓivho na tshenzhemo nga ha kumalele kwa Vhavenḓa. Afha vhavhudziswa ndi vhakalaha, vhakegulu, vhafunzi, vhavhera, vhabvana, vhanna na vhafumakadzi vha mbingano ntswa na vhomakhadzi. Vhavhudziswa avho ndi vhane vho nangiwa uri vha ḓo ṋea mafhungo a ndeme nga ha tshanduko ya kumalele kwa Vhavenḓa vhunga vhe na nḓivho na tshenzhemo. Ṱhoḓisiso iyi yo itwa kha vunḓu ḽa Limpopo kha tshiṱiriki tsha Vhembe fhasi ha masipala wa Thulamela, muvhunduni wa Itsani. Ṱhoḓisiso iyi i ḓo fhaṱusa vhathu vhoṱhe vhane vha khou tea u malisa uri vha ḓivhe nga ha kumalele kwo teaho khathihi na u wana nḓivho nga ha maitele oneone o teaho a kumalele kwa mvelele ya Vhavenḓa.

Author dc:creator

• Dzhombere, Muelelwa Findy

Advisors dc:contributor.advisor

• Raphalalani, M. R.
• Makhado, A. J.

• Kumalele
• Lumalo
• Mvelele na Murafho
• UCTD

Statement dc:rights

• University of Venda

Language dc:language.iso

other

Repository record dc:identifier.uri

https://univendspace.univen.ac.za/handle/11602/2945

OAI identifier oai:identifier

oai:univendspace.univen.ac.za:11602/2945