Bàrdachd Baile an Naoidheamh Linn Deug – Ath-mheasadh

San tràchdas seo, nithear ath-mheasadh air bàrdachd baile an naoidheamh linn<br/>deug. Anns an fhicheadamh linn, bha cuid de sgoilearan litreachas na Gàidhlig<br/>den bheachd nach robh mòran luach anns a’ bhàrdachd seo, gun robh cus<br/>clichéan innte, ach cha do dh’fhoillsich iad mòran sgrùdaidh a bhiodh a’<br/>dearbhadh an cuid bheachdan le fianais. Mar sin dheth, thèid meòrachadh a<br/>dhèanamh an seo air na seòrsaichean breithneachaidh a bhiodh freagarrach,<br/>agus ruigear an co-dhùnadh gun rachadh dòighean-obrach innealan litreachail<br/>na bàrdachd a shoilleireachadh gu h-èifeachdach tro dhlùth-sgrùdadh a leithid<br/>New Criticism; mar an ceudna, air sgàth ’s gun robh na bàird fhèin agus an<br/>luchd-èisteachd aca air am bogadh ann an dualchas beul-aithris na Gàidhlig,<br/>feumar a chumail an cuimhne gun tug seo buaidh air an t-saothair aca, cho<br/>math ris na bha iad a’ leughadh de litreachas na Gàidhlig, na Beurla agus na hAlbais.<br/>Thèid deichnear bhàrd a thaghadh agus chithear tro dhlùth-sgrùdadh gu bheil<br/>eugsamhlachadh san t-saothair aca, cho math ri cuspairean agus cumaidhean<br/>ann an cumantas eatarra. Seallar gun cleachdar stòras de dh’innealan<br/>litreachail sa bhàrdachd, bheirear an aire do dh’ìomhaigheachd, agus chithear<br/>gu bheil seis-riochdachadh gu h-àraidh cudromach, ann a bhith a’ toirt a-steach<br/>cho-cheanglaichean smuaintean às an dualchas. Mìnichear gur iad na seisriochdachaidhean seo thar uile, a dh’aindeoin is gum faodadh coltas chlichéan a bhith orra, a chuireas brìgh na bàrdachd an cèill.<br/>A thuilleadh, nithear meòrachadh air corra bhàrd a lean orra le bàrdachd<br/>thradaiseanta às dèidh an naoidheamh linn deug, agus seallar dè na slatantomhais a bhios nas fhreagarraiche do dh’obair breithneachaidh na saothrach seo an coimeas ris an fheadhainn a bhios iomchaidh do bhàrdachd nam mòrchànan (agus do nua-bhàrdachd). ’S i argamaid an tràchdais gum bu chòir don neach-breithneachaidh a bhith mothachail air seo, gus an tuigear ealain na bàrdachd. Is ann à sin a leanas a’ mhisneachd a bhios riatanach do shlàinte a’chànain.

Name dc:type.qualificationname

Doctor of Philosophy (awarded by UHI)

Level dc:type.qualificationlevel

Doctoral Thesis

Grantor dc:publisher.institution

University of the Highlands and Islands

Year dc:date.issued

2021

Author dc:creator

• Howieson, Iain Gray

Advisor dc:contributor.advisor

• Cox, Richard A.V.

Language dc:language

eng

Identifier

oai:pure.atira.dk:studenttheses/0f1478b8-2046-4d8f-9eba-67b46b912026

OAI identifier oai:identifier

oai:pure.atira.dk:studenttheses/0f1478b8-2046-4d8f-9eba-67b46b912026