Hreyfistundir í leikskólum : skipulag, framkvæmd og hlutverk íþróttafræðings

Markmið rannsóknarinnar var að kanna umfang, skipulag og framkvæmd hreyfistunda í leikskólum og skoða hvort munur væri á starfsháttum eftir því hvort íþróttafræðingur starfaði á deildinni eða ekki. Rannsóknin var megindleg þversniðarannsókn og byggði á rafrænum spurningalista sem lagður var fyrir starfsfólk leikskóla. Spurt var meðal annars um tíðni og lengd hreyfistunda, skipulag þeirra, megináherslur, eftirfylgni með hreyfifærni barna og upplifun starfsfólks af hindrunum í hreyfistarfi. Niðurstöður sýndu að hreyfistundir eru almennt hluti af leikskólastarfi, en lengd þeirra og skipulag er breytilegt milli deilda. Ekki reyndist tölfræðilega marktækur munur milli deilda með eða án íþróttafræðings hvað varðar lengd hreyfistunda, skipulag þeirra, eftirfylgni með hreyfifærni barna, megináherslur hreyfistunda eða upplifun starfsfólks af hindrunum. Algengustu áherslur hreyfistunda voru leikur og þátttaka, og grófhreyfingar. Niðurstöður benda til þess að tilvist íþróttafræðings á deild hafi ekki afgerandi áhrif á þá þætti hreyfistarfs sem skoðaðir voru. Þær gefa jafnframt til kynna að aðrir þættir, svo sem skipulag starfs, aðstæður, viðhorf starfsfólks og heildarumhverfi leikskóla, kunni að hafa áhrif á framkvæmd hreyfistunda. Frekari rannsóknar er þörf þar sem stuðst er við stærra úrtak og hlutlægari mælingar á hreyfingu barna.

Author dc:creator

• Margrét María Ívarsdóttir 2000-

Contributors dc:contributor

• Háskólinn í Reykjavík

• Íþróttafræði
• Leikskólar
• Hreyfing (heilsurækt)
• Íþróttafræðingar

Language dc:language.iso

is

Handle dc:identifier.uri

https://hdl.handle.net/1946/53581

OAI identifier oai:identifier

oai:skemman.is:1946/53581