Breytingar á frammistöðu yfir heilt knattspyrnutímabil : einstaklingsrannsókn á afreksknattspyrnumanni

Þessi rannsókn fjallar um breytingar á frammistöðu afreksknattspyrnumanns yfir heilt knattspyrnutímabil í Bestu deild karla. Meginmarkmið rannsóknarinnar er að athuga breytingar á milli byrjunar, miðju og lok tímabils á líkamlegri frammisttöðu, tæknilegri frammistöðu, líkamlegum mælingum og þjálfun. Rannsóknin byggir á einstaklingsrannsóknarsniði þar sem notast er við bæði eigindleg og megindleg gögn. Einn stakur þátttakandi sem spilar með FH í Bestu deild karla var rannsakaður. Notast var við gögn á borð við dagbók þátttakanda, GPS tölur frá öllum æfingum og leikjum, Wyscout tölfræði úr leikjum og líkamsmælingar yfir allt tímabilið 2025 í Bestu deild karla. Microsoft Excel og Jamovi var notað til að vinna með gögnin, athuga marktækt og setja fram niðurstöður. Helstu niðurstöður sýndu að tæknileg frammistaða var að mestu leyti stöðug yfir tímabilið en ákveðnar breytur voru með lægstu gildin undir lok tímabils. Líkamsmælingar á borð við hæð, þyngd og BMI voru stöðugar en mælingar sem framkvæmdar voru tengdar snerpu og sprettgetu versnuðu yfir knattspyrnutímabilið. Marktækur munur fannst á GPS breytum í tengslum við hemlun og hröðun en aðrar breytur þróuðust í báðar áttir án þess að sýna fram á marktækan mun. Niðurstöður benda til jafnvægis í tæknilegri frammistöðu að flestu leyti. Breytingar á líkamsmælingum og líkamlegri frammistöðu benda þó til þess að þreyta og álag á ákveðnum tímapunktum hefur áhrif á frammistöðu. Það má álykta að mikilvægi álagsstjórnunar og gagnavinnu í þjálfun hafi aldrei verið meiri. Niðurstöður benda einnig að einhverju leyti til þess að ytri þættir líkt og andstæðingar, leikstaða og taktík hafi áhrif á frammistöðu knattspyrnuleikmanns.

Author dc:creator

• Tómas Orri Róbertsson 2004-

Contributors dc:contributor

• Háskólinn í Reykjavík

• Íþróttafræði
• Knattspyrnufólk
• Atvinnumennska
• Líkamsástand

Language dc:language.iso

is

Handle dc:identifier.uri

https://hdl.handle.net/1946/53576

OAI identifier oai:identifier

oai:skemman.is:1946/53576