Samanburður á þróun líkamlegs ástands knattspyrnumanna yfir undirbúningstímabil

Markmið rannsóknarinnar var að kanna hvernig líkamlegt ástand knattspyrnumanna á mismunandi aldurs- og getustigum þróaðist yfir undirbúningstímabil. Þátttakendur rannsóknarinnar voru, leikmenn annars vegar úr meistaraflokki karla og hins vegar 2. flokki karla hjá knattspyrnuliðinu Fjölni. Mælingar voru framkvæmdar á þremur mismunandi tímapunktum yfir tímabilið, en mældir voru eftirfarandi þættir: hæð, þyngd, afl, hraði, hröðun, snerpa og þol. Þróunn á milli hópanna tveggja var heldur ólík yfir tímabilið, þar sem niðurstöður sýndu fram á fleiri og skýrari marktækar breytingar hjá leikmönnum meistaraflokks heldur en hjá leikmönnum 2. flokks. Hópur meistaraflokks karla sýndi fram á jákvæðar marktækar breytingar í mælingum á líkamsþyngd, afli og þoli, en sömuleiðis neikvæðar marktækar breytingar í mælingum á hraða og hröðun. Hópur 2. flokks sýndi fram á jákvæðar marktækar breytingar í mælingum á líkamsþyngd og í 10 metra spretthluta af hraða- og hröðunarprófum. Niðurstöðurnar gefa til kynna að þættir eins og þjálfunarumhverfi, fjöldi æfinga og stöðugleiki í mætingu geti haft áhrif á hvernig líkamlegt ástand leikmanna þróast yfir undirbúningstímabil.

Author dc:creator

• Bjarki Már Bergsson 2003-

Contributors dc:contributor

• Háskólinn í Reykjavík

• Íþróttafræði
• Knattspyrnufólk
• Líkamsástand

Language dc:language.iso

is

Handle dc:identifier.uri

https://hdl.handle.net/1946/53572

OAI identifier oai:identifier

oai:skemman.is:1946/53572