Áframhaldandi þátttaka og brottfall ungmenna úr knattspyrnu : tilviksrannsókn á Fjölni

Markmið þessarar rannsóknar var að öðlast dýpri skilning á því hvaða þættir hafa áhrif á áframhaldandi þátttöku og brottfall ungmenna í knattspyrnu. Rannsóknin var eigindleg tilviksrannsókn sem framkvæmd var innan knattspyrnufélagsins Fjölnis. Rannsóknin byggðist á hálfopnum viðtölum við átta einstaklinga, tvo karla og tvær konur sem voru enn virkir í knattspyrnu og tvo karla og tvær konur sem höfðu hætt þátttöku. Gögnin voru greind með þemagreiningu. Niðurstöðurnar sýndu að upplifun þátttakenda af knattspyrnu breyttist með aldrinum. Þegar þeir voru yngri einkenndist þátttakan fyrst og fremst af gleði við að spila leikinn og félagslegum samskiptum, en með auknum aldri voru meiri kröfur, samkeppni og pressa. Félagsleg tengsl við liðsfélaga reyndust einn mikilvægasti þátturinn bæði fyrir áframhaldandi þátttöku og brottfall. Samskipti við þjálfara höfðu einnig veruleg áhrif, þar sem stuðningur og uppbyggileg endurgjöf tengdust jákvæðri upplifun en neikvæð samskipti drógu úr áhuga. Brottfall var yfirleitt afleiðing samspils margra þátta, meðal annars minnkandi áhuga, breytinga á félagslegu umhverfi og aukinnar pressu. Niðurstöðurnar undirstrika mikilvægi þess að skapa styðjandi félagslegt umhverfi þar sem áhersla er lögð á ánægju, félagsleg tengsl og jákvæða upplifun. Þannig getur rannsóknin nýst íþróttafélögum til að draga úr brottfalli ungmenna úr knattspyrnu.

Author dc:creator

• Bjarki Fannar Arnþórsson 2003-

Contributors dc:contributor

• Háskólinn í Reykjavík

• Íþróttafræði
• Knattspyrna
• Börn
• Unglingar
• Brottfall úr íþróttum

Language dc:language.iso

is

Handle dc:identifier.uri

https://hdl.handle.net/1946/53571

OAI identifier oai:identifier

oai:skemman.is:1946/53571