Verkgrunduð kostnaðargreining á kjúklingavinnslu

Viðfangsefni þessa verkefnis er ítarleg kostnaðargreining á fuglamóttöku, slátrun og frumvinnslu kjúklinga hjá Ísfugli ehf. Markmið verkefnisins er að greina og úthluta öllum kostnaði sem féll til við þessi stig framleiðslunnar árið 2024, með það að leiðarljósi að bæta yfirsýn stjórnenda og styrkja grunn að upplýstri ákvarðanatöku um verðlagningu og framleiðsluaðferðir. Stuðst er við verkgrundaða kostnaðarreikninga sem tryggja sanngjarna skiptingu kostnaðar með hliðsjón af raunverulegri notkun auðlinda. Helstu niðurstöður verkefnisins sýna að meðalsláturkostnaður hvers fugls er ██████ kr., eða um ██████ kr/kg. sem er lægra en stjórnendur áætluðu. Niðurstöður leiða einnig í ljós að þyngdarflokkar fugla hafa umtalsverð áhrif á hráefnakostnað, þar sem léttari fuglar bera hlutfallslega hærri sláturkostnað á hvert kíló. Dýrasta afurðin sem er framleidd er █████████, með kostnaðarverð um ██████ kr/kg., en █████████ er ódýrasta afurðin á ██████ kr/kg. Greiningin veitir ítarlega innsýn í kostnaðaruppbyggingu framleiðslunnar og leggur þannig mikilvægan grunn að betri kostnaðarstýringu og samkeppnishæfni fyrirtækisins. Til þess að fá skýrari mynd af endanlegu kostnaðarverði fullunninna söluafurða væri nauðsynlegt að framkvæma kostnaðargreiningu á öllum stigum framleiðslunnar, þar sem þær afurðir sem hér eru greindar eru á millistigi framleiðslu og ekki tilbúnar til sölu án frekari vinnslu, svo sem pökkunar. Til að auka enn frekar nákvæmni við mat á raunverulegum kostnaði gætu stjórnendur Ísfugls íhugað innleiðingu kerfis þar sem afurðir eru vigtaðar um leið og þær koma úr framleiðsluferlum. Með slíku kerfi mætti tryggja að kostnaðargreining byggi á nákvæmum raungögnum úr hverri framleiðslulotu.

Authors dc:creator

• Jón Magnús Jónsson 1998-
• Ólafur Valfells 1996-

Contributors dc:contributor

• Háskólinn í Reykjavík

• Viðskiptafræði
• Hagfræði
• Kostnaðargreining
• Verðlagning
• Kjúklingar

Language dc:language.iso

is

Handle dc:identifier.uri

https://hdl.handle.net/1946/50701

OAI identifier oai:identifier

oai:skemman.is:1946/50701