Tækifæri til innleiðingar Wolt Market á Íslandi : greining á rekstrargrundvelli og eftirspurn

Markmið þessarar rannsóknar var að kanna hvort tækifæri sé fyrir innleiðingu Wolt Market á Íslandi. Rannsóknarspurningin var eftirfarandi: „Er eftirspurn og rekstrargrundvöllur fyrir Wolt Market á Íslandi?“ Í rannsókninni var notast við bæði megindlegar og eigindlegar rannsóknaraðferðir. Megindleg rannsókn var framkvæmd í formi spurningakönnunar með 103 þátttakendum til að kanna viðhorf íslenskra neytenda til þjónustunnar. Eigindleg rannsókn fólst í viðtölum við lykilstarfsmenn Wolt bæði hérlendis og erlendis, til að fá innsýn á bæði núverandi starfsemi Wolt á Íslandi og rekstrarmódel Wolt Market í öðrum löndum. Niðurstöður rannsóknarinnar leiddu í ljós að talsverð eftirspurn er fyrir Wolt Market á Íslandi, sem höfðar bæði til núverandi yngri markhóps Wolt og eldri neytenda með meiri kaupgetu. Tæpur helmingur þátttakenda spurningakönnunar taldi líklegt eða mjög líklegt að þeir myndu nýta sér þjónustuna að einhverju leyti. Rekstrargrundvöllurinn reyndist hins vegar flóknari þar sem lág framlegð á matvörumarkaði, hár launakostnaður og smæð íslenska markaðarins reynast verulegar áskoranir. Tillögur rannsóknarinnar fela í sér að hefja samstarf við stóra matvöruverslun til að prófa markaðinn, þrepaskipt innleiðing með áherslu á breitt vöruúrval og markaðssetning sem miðar að réttum markhópum. Niðurstaða rannsóknarinnar bendir til þess að með skynsamlegu innleiðingarferli gæti Wolt Market náð fótfestu á íslenskum markaði þrátt fyrir rekstrarlegar áskoranir.

Authors dc:creator

• Jón Orri Stefánsson 2002-
• Tryggvi Gunnarsson 1999-

Contributors dc:contributor

• Háskólinn í Reykjavík

• Viðskiptafræði
• Markaðsfræði
• Neytendarannsóknir

Language dc:language.iso

is

Handle dc:identifier.uri

https://hdl.handle.net/1946/50678

OAI identifier oai:identifier

oai:skemman.is:1946/50678