Hvalveiðar á Íslandi : íslenskt regluverk og alþjóðlegar skuldbindingar

Meginviðfangsefni ritgerðar þessarar verður að rýna í hvalveiðar á Íslandi með tilliti til íslenskt regluverks og alþjóðlegra skuldbindinga. Veiðar á hvölum hafa verið stundaðar frá örófi alda og verða fyrst að atvinnugrein með veiðum Baska við Biscayaflóa á 12. öld. Samband manns og hvals á sér djúpar sögulegar rætur. Ísland stundar í dag hvalveiðar í atvinnuskyni en er bundið af alþjóðlegum skuldbindingum í þjóðarétti í tengslum við Hvalveiðisamninginn frá 1946. Ísland er aðili að þeim samningi frá 2002 með tilteknum fyrirvara sem það gerði við samninginn. Deilt er um hvort lögmæti fyrirvarans sé efnislega heimill að þjóðarétti í tengslum við Vínarsamninginn um milliríkjasamninga. Mikilvægt er að gera greinarmun á annars vegar hvalveiðum í atvinnuskyni og hins vegar hvalveiðum í vísindaskyni og frumbyggjaveiðum, en um þetta fjallar Hvalveiðisamningurinn og fylgiskjalið við hann. Tiltekið fylgiskjal er órjúfanlegur hluti af Hvalveiðisamningnum, sbr. 1. mgr. 1. gr. hans. Um hvali og hvalveiðar að landsrétti gilda lög um hvalveiðar nr. 26/1949 og síðari breytingar þeirra og reglugerðir sem hafa verið settar með stoð í þeim lögum. Til dæmis má nefna nýlega reglugerð nr. 895/2023 um veiðar á langreyðum. Umræða samfélagsins síðastliðin ár hefur verið á þann veg að kallað er eftir skýrari ramma hvað dýravelferð varðar í tengslum við framkvæmd annarra laga t.a.m. ofangreindra laga um hvalveiðar. Mörgum þykir ljóst að samþætta þarf markmið laga um hvalveiðar við dýravelferðarsjónarmið.

Author dc:creator

• Melkorka Knútsdóttir 1998-

Contributors dc:contributor

• Háskólinn í Reykjavík

• Lögfræði
• Hafréttur
• Hvalveiðar
• Samningar

Language dc:language.iso

is

Handle dc:identifier.uri

http://hdl.handle.net/1946/47378

OAI identifier oai:identifier

oai:skemman.is:1946/47378