Áhrif evrópskrar löggjafar um sjálfbærni á íslensk fjármálafyrirtæki

Á síðustu árum hefur ESB gert loftslagsmál eitt af forgangsverkefnum sínum. Eftir gildistöku Parísarsamningsins hefur ESB sett umfangsmikla löggjöf á sviði sjálfbærra fjármála. Í ritgerð þessari verða þrár nýjar reglugerðir ESB á sviði sjálfbærra fjármála til umfjöllunar. Heiti ritgerðarinnar er „Áhrif evrópskrar löggjafar um sjálfbærni á íslensk fjármálafyrirtæki“, en meginmarkmið ritgerðarinnar er að rannsaka praktísk áhrif reglugerðanna á íslensk fjármálafyrirtæki. Í upphafi ritgerðar er stuttlega farið yfir sjálfbæra þróun og sjálfbær fjármál. Að því loknu er farið ítarlega yfir reglugerðirnar og skoðuð viðeigandi ákvæði sem og skilyrðin sem þau kveða á um. Í ljósi meginmarkmiðs ritgerðarinnar er ekki aðeins varpað ljósi á hvaða nýju skyldum fjármálafyrirtæki þurfa að fylgja á grundvelli reglugerðanna heldur jafnframt skoðað hvaða áskoranir fylgja innleiðingu reglugerðanna í starfsemi íslenskra fjármálafyrirtækja. Þá er jafnframt skoðað hvort það geti reynst íslenskum fjármálafyrirtækjum hagnýtt að ganga lengra í upplýsingagjöf sinni. Niðurstaða ritgerðarinnar er að innleiðing reglugerða ESB á sviði sjálfbærra fjármála geti reynst íslenskum fjármálafyrirtækjum umfangsmikið verkefni. Hins vegar veltur það að miklu leyti á innviðum fjármálafyrirtækjanna hversu umfangsmikil áskorunin verður. Jafnframt er komist að þeirri niðurstöðu að fjármálafyrirtæki geti nýtt löggjöfina til þess að styðja við viðskiptavini á sjálfbærnivegferð þeirra og að tækifæri gætu falist í því að þau ganga lengra í upplýsingagjöf sinni.

Author dc:creator

• Geirmundur Ingi Eiríksson 1998-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Upplýsingaréttur
• Fjármálafyrirtæki
• Sjálfbærni
• Reglugerðir

Language dc:language.iso

is

Handle dc:identifier.uri

http://hdl.handle.net/1946/44427

OAI identifier oai:identifier

oai:skemman.is:1946/44427