Lífsstíll til lífstíðar : hvernig geta aðferðir breytingastjórnunar nýst fólki við að gera jákvæðar breytingar á sínum lífsstíl?

Aðferðum breytingastjórnunar er víða beitt í skipulagsheildum - í félögum, fyrirtækjum og stofnunum - til að takast á við nauðsynlegar breytingar. En þó að breytingastjórnun sé yfirleitt fyrst og fremst sett í samhengi við skipulagsheildir má einnig beita henni til að koma á breytingum í lífi einstaklinga sem vilja auka möguleika sína til hvers konar árangurs. Þannig er talið að það fólk sem nýtir aðferðir breytingastjórnunar sé allt að tífalt líklegra en aðrir til að gera breytta hegðun að nýjum vana hjá sér (Patterson o.fl., 2011). Á grunni þessa má velta því fyrir sér hvort þróa megi breytingastjórnunaraðferð sem hjálpar einstaklingum að hreyfa sig meira? Í greininni er gerð grein fyrir rannsókn sem bendir til að flestir fullorðnir, eða um 94%, vilji hreyfa sig reglulega eða að minnsta kosti þrisvar sinnum í viku. Þá leggur fjölbreyttur hópur fagfólks sig fram um að efla heilbrigði landsmanna með því að hvetja til aukinnar hreyfingar. Almennt séð má því segja að góður stuðningur sé við hreyfingu og aðgengi að upplýsingum og þjálfun einnig. Þrátt fyrir ofangreint er enn þá sá vandi til staðar að of margt fullorðið fólk, eða yfir 40% virðist hreyfa sig of lítið. Mögulega liggur rót vandans í því hve erfiðlega fólki gengur að gera breytingar og hve vanbúið það er til að ráðast í breytingaferli sem lúta að hreyfingu. Í þessu verkefni er gerð tilraun til nýrrar nálgunar og úrlausnar á þeim vanda sem lýsir sér í því að margt fólk á besta aldri hreyfir sig of lítið. Gerðar voru tvær spurningakannanir: Annars vegar spruningakönnun til almennra þátttakenda og hins vegar spurningakönnun með sérhæfðum spurningum til sérfræðinga sem hafa það að starfi sínu að hvetja fólk til heilbrigðis á einn eða annan hátt. Á grunni breytingastjórnunarkenninga og niðurstaðna þessara spurningakannana var búin til ný, einföld aðferð sem miðar að því að hvetja fólk til hreyfingar. Líkanið kallast Lífsstíll til lífstíðar og felur í sér níu þrep til árangurs.

Authors dc:creator

• Hildur Emilsdóttir 1979-
• Steinunn Vala Sigfúsdóttir 1980-

Contributors dc:contributor

• Háskólinn í Reykjavík

• Verkefnastjórnun
• MPM
• Meistaraprófsritgerðir
• Lífshættir
• Fullorðnir
• Breytingastjórnun
• Hreyfing (heilsurækt)
• Master of project management

Language dc:language.iso

is

Handle dc:identifier.uri

http://hdl.handle.net/1946/42076

OAI identifier oai:identifier

oai:skemman.is:1946/42076