Greining mælinga á notkun og notendaupplifun á íslenskum vefjum

Tilgangur: Í þessari rannsókn munu rannsakendur greina mælingar á notkun og notendaupplifun á Íslenskum vefjum. Markmið rannsóknarinnar er að komast að því hvort íslensk fyrirtæki og stofnanir séu að safna gögnum um notendur og notkun síns vefs og þá hvernig þessi gögn komi til með að nýtast þeim. Skoðað verður hvort munur sé á fyrirtækjum og stofnunum hvað varðar mælingar á notendaupplifun og hvort að aldur og stærð þeirra hafi áhrif. Einnig verður farið yfir viðhorf fólks innan hugbúnaðariðnaðarins á GDPR og hvaða áhrif reglugerðin hefur haft á íslenska vefi og þeirra notendur. Aðferðir: Niðurstöður rannsóknarinnar eru byggðar á viðtölum og spurningalistakönnun. Í byrjun rannsóknar voru tekin fjögur viðtöl við fólk innan hugbúnaðariðnaðarins. Markmið viðtalanna var að fá innsýn í viðfangsefnið og fá aðstoð við gerð spurningalistakannanar, sem síðan var send með tölvupósti á fyrirtæki og stofnanir. Í lokin voru tvö viðtöl tekin til viðbótar til þess að aðstoða rannsakendur við túlkun á niðurstöðum rannsóknarinnar. Viðtölin voru því í heildina sex talsins og voru þau hálf-opin (e. semi-structured) og gögnin greind með þemagreiningu. Niðurstöður: Niðurstöður rannsóknarinnar sýna að flest fyrirtæki og stofnanir safna gögnum um notkun síns vefs og rúmlega helmingur þeirra safna gögnum um notendur hans. Aðeins helmingur þátttakenda spurningalistakannanarinnar segjast mæla notendaupplifun. Niðurstöður greina frá því að stofnanir mæla notendaupplifun hlutfallslega oftar en fyrirtæki og að stærð þeirra og aldur skiptir einnig máli. Stór fyrirtæki eru líklegri en ella til þess að mæla notendaupplifun sem og vefir sem hafa verið starfræktir í minna en eitt ár.

Authors dc:creator

• Helga Hilmarsdóttir 1988-
• Kara Líf Ingibergsdóttir 1996-

Contributors dc:contributor

• Háskólinn í Reykjavík

• Tölvunarfræði
• Viðmót (tölvur)
• Gagnasöfn

Language dc:language.iso

is

Handle dc:identifier.uri

http://hdl.handle.net/1946/34912

OAI identifier oai:identifier

oai:skemman.is:1946/34912