Litróf aðgæsluskyldu kaupanda í lausafjár- og fasteignakaupum og áhrif þess að kaupandi teljist sérfróður eða njóti aðstoðar sérfróðra aðila

Viðfangsefni ritgerðarinnar er að fjalla um þá fjölmörgu þætti sem geta haft þýðingu þegar metið er hvort kaupandi hafi sýnt nægjanlega aðgæslu við kaup, meðal annars áhrif þess þegar kaupandi telst sérfróður eða þegar hann nýtur aðstoðar slíkra fagaðila. Einskorðast efni ritgerðarinnar við kaup á lausafé og fasteignum. Litið verður til ákvæða laga nr. 50/2000 um lausafjárkaup og laga nr. 40/2002 um fasteignakaup sem á margan hátt eru sambærileg þó svo að sömu reglur gilda ekki í öllum tilvikum. Þá verður meðal annars rýnt í dómaframkvæmd Hæstaréttar og litið til skrifa norrænna fræðimanna. Helstu niðurstöður ritgerðarinnar eru þær að á kaupanda lausafjár- eða fasteignar hvílir skylda til að sýna aðgæslu, bæði í aðdraganda kaupa og eftir að kaup hafa átt sér stað. Kaupanda er þó samkvæmt íslenskum rétti ekki skylt að framkvæma skoðun fyrir kaup nema í þeim tilvikum þegar seljandi hefur hvatt hann til þess. Þetta á þó ekki við hafi kaupandi gilda ástæðu til þess að sinna ekki slíkri hvatningu. Kaupanda er hins vegar alltaf skylt að framkvæma skoðun eftir að kaup hafa átt sér stað. Hvernig honum beri að framkvæma skoðun sína er háð atvikum hverju sinni en almennt verða ekki gerðar frekari kröfur til kaupanda en að hann framkvæmi fremur lauslega skoðun á því kaupandlagi sem um ræðir hverju sinni. Búi kaupandi aftur á móti yfir meiri þekkingu verða ríkari kröfur um aðgæslu gerðar og hið sama gildir ef kaupandi nýtur aðstoðar fagaðila. Af dómaframkvæmd Hæstaréttar virðist sem langt sé gengið í að meta menn sem sérfróða og því kann eftir atvikum að reynast varhugarvert fyrir kaupendur að hafa sérfróða aðila meðferðis við skoðun.

Author dc:creator

• Gunnlaugur Jón Ingason 1992-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Kauparéttur
• Fasteignaviðskipti

Language dc:language.iso

is

Handle dc:identifier.uri

http://hdl.handle.net/1946/33148

OAI identifier oai:identifier

oai:skemman.is:1946/33148