Gagnsemi jafnlaunavottunar til að draga úr launamisrétti kynjanna : innsýn frá mannauðsstjórum

Markmið rannsónarinnar var að kanna hvernig jafnlaunavottun getur komið að gagni við að draga úr launamisrétti kynjanna og hvort það sé eitthvað annað sem gæti komið að gagni við að draga úr launamun kynjanna. Leitast var við að svara rannsóknarspurningunnu: Hvaða áhrif telja stjórnendur að jafnlaunavottun muni hafa á launamisrétti kynjanna? Tekin voru viðtöl við sex mannauðsstjóra til þess að fá þeirra innsýn á gagnsemi jafnlaunavottunarinnar, kanna hvort þeir teldu að vottunin myndi draga úr launamuni kynjanna og kanna hvað annað þeir teldu að gæti komið að gagni við að brúa launabil kynjanna enn frekar. Helstu niðurstöður rannsóknarinnar gefa til kynna að stjórnendur telji að jafnlaunavottunin muni hafa áhrif til að draga úr launamuni kynjanna. Launaramminn sem fyrirtæki þurfi að gera utan um launamál sín muni hjálpa til við það sem og launagreiningar og innri úttektir. Jafnlaunavottunin muni þó ekki gera það að verkum að kynbundinn launamunur dragist saman að fullu. Telja stjórnendur að einnig þurfi viðhorsbreytingu í samfélaginu til þess að launamunur kynjanna dragist enn meira saman en hann muni þó líklega aldrei verða núll. Ekki hafa verið gerðar rannsóknir á gagnsemi jafnlaunavottunar til að draga úr launamisrétti kynjanna svo vitað sé og því ekki hægt að bera niðurstöður þessarar rannsóknar saman við niðurstöður fyrri rannsókna.

Author dc:creator

• Árný Daníelsdóttir 1990-

Contributors dc:contributor

• Háskólinn í Reykjavík

• Viðskiptafræði
• Launajafnrétti
• Mannauðsstjórnun
• Jafnlaunavottun

Language dc:language.iso

is

Handle dc:identifier.uri

http://hdl.handle.net/1946/33048

OAI identifier oai:identifier

oai:skemman.is:1946/33048