Kraftur, hraði og styrkur í handknattleik

Tilgangur þessarar rannsóknar var að sjá hversu sterk fylgni væri á milli hámarksstyrks, hraða og lóðrétts krafts hjá úrvalsdeildarliði karla í handknattleik. Þátttakendur voru 12 handknattleiksmenn úr úrvalsdeild karla og niðurstöður bornar saman við rannsókn sem framkvæmd var á 17 atvinnumönnum í knattspyrnu. Tekin voru þrjú frammistöðupróf á leikmönnum ÍR en þau voru hámarksstyrktarpróf í hnébeygju, 30 metra sprettur og lóðrétt stökk. Fylgni á milli 30 metra sprettsins og stökkhæðar var r = -0,71, hámarksstyrks og 30 metra spretts r = -0,12 og á milli hámarksstyrk og stökkhæðar mældist fylgnin r = 0,28. Rannsóknin á knattspyrnumönnunum sýndi sterkari fylgni og þá sérstaklega á milli hámarksstyrks og stökkhæðar, r = 0, 78. Hámarksstyrkur og 30 metra sprettur mældist með r = 0,70 og lóðrétt stökk og 30 metra sprettur r = 0,60. Marktækur munur var á öllum prófunum á milli rannsókna. Knattspyrnumennirnir lyftu 35,7 kg meira og hlupu að meðaltali 0,46 sekúndum hraðar. Handknattleiksmennirnir stukku 3,6 cm hærra að meðaltali. Fylgnin á milli hámarksstyrks, hraða og krafts var ekki jafn sterk hjá handknattleiksmönnunum og hjá knattspyrnumönnunum en fylgnin á milli hraða og krafts var sterkari hjá ÍR.

Author dc:creator

• Einar Friðrik Hólmgeirsson 1982-

Contributors dc:contributor

• Háskólinn í Reykjavík

• Íþróttafræði
• Handbolti
• Styrktarþjálfun
• Tækni- og verkfræðideild

Language dc:language.iso

is

Handle dc:identifier.uri

http://hdl.handle.net/1946/25551

OAI identifier oai:identifier

oai:skemman.is:1946/25551