Leikgreining bandaríska og spænska landsliðsins í körfuknattleik á Ólympíuleikunum í London 2012

Tilgangur þessarar rannsóknar var að finna út hvað einkenndi leik bandaríska og spænska landsliðsins á Ólympíuleikunum í London 2012 með því að leikgreina liðin og búa til fræðilegt verkefni sem íslenskir þjálfarar geta leitað vitneskju í um hvernig megi leikgreina körfuboltaleiki með árángursríkum hætti. Gerðar voru leikgreiningarskýrslur í Excel og skýringarmyndir teiknaðar upp út frá leikbrotum sem voru klippt í leikgreiningarforritinu Sideline Sports. Viðtöl voru tekin við tvo íslenska körfuboltaþjálfara með reynslu af leikgreiningu til að öðlast dýpri skilning hvernig leikgreina megi með árángursríkum hætti. Liðin voru með skýrar leikáætlanir sem voru hannaðar út frá eigin styrkleikum og veikleikum. Skipulag bandaríska liðsins er meira mótað út frá því að fá opnari skot og þar með betri skotnýtingu, sækja sóknarfráköst og stela boltanum af andstæðingnum þegar er dripplað en þetta eru þrjú af fjórum helstu atriðum sem tölfræðin sýnir sem getur leitt til aukinna möguleika á sigri. Íslensku þjálfararnir eru að gera margt gott við að leikgreina lið sín út frá fræðunum en áhugavert væri að gera vettvangsrannsókn til að fylgjast með einbeitingarþáttum við framkvæmd leikgreiningar hjá þjálfurunum.

Author dc:creator

• Birgir Björn Pétursson 1986-

Contributors dc:contributor

• Háskólinn í Reykjavík

• Íþróttafræði
• Körfubolti
• Ólympíuleikar
• Landslið
• Tækni- og verkfræðideild

Language dc:language.iso

is

Handle dc:identifier.uri

http://hdl.handle.net/1946/19359

OAI identifier oai:identifier

oai:skemman.is:1946/19359