Áhrif flokkun virkjunarkosta í rammaáætlun á eignarréttindi handhafa orkuréttinda

Rannsóknarspurning ritgerðarinnar er að greina „Áhrif flokkunar virkjunarkosta í rammaáætlun á eignarréttindi handhafa orkuréttinda“. Var leitast við að greina, annars vegar hvort flokkun virkjunarkosta rammaáætlunar feli í sér bótaskyldar takmarkanir skv. eignarréttarvernd 1. mgr. 72. gr. Stjskr. og 1. mgr. samningsviðauka nr. 1 við MSE og hins vegar hvort flokkun virkjunarkosta í orkunýtingarflokk rammaáætlunar kunni að styrkja eignarréttindi handhafa orkuréttinda á grundvelli sjónarmiða um réttmætar væntingar. Ritgerðinni er skipt í fimm meginkafla. Í öðrum kafla er greind eignarréttarvernd og skil milli bótaskyldra skerðinga og skerðinga sem heimilaðar eru án þess að stofnist bótaskylda, auk þess sem skoðuð voru sjónarmið um réttmætar væntingar. Í þriðja kafla eru orkuréttindi greind og takmarkanir er þau sæta. Í fjórða kafla eru lvo. og lögskýringargögn með þeim greind, með megináherslu á að greina takmarkanir og áhrif flokkunar virkjunarkosta í rammaáætlun. Í fimmta kafla eru settar fram niðurstöður um réttmætar væntingar, sem í grófum dráttum eru þær að litlar líkur séu á að handhafi orkuréttinda njóti réttmætra væntinga um að mega virkja orkuréttindi sín. Þó gæti sá eignarréttur að vissu leyti verið sterkari, þar sem óvissu með að virkjunarframkvæmd samrýmist skipulagsáætlunum sveitarfélaga, hafi verið eytt, auk þess sem svigrúm stjórnvalda við veitingu orkunýtingarleyfa kunni að hafa þrengst. Í sjötta kafla eru settar fram niðurstöður um hvort takmarkanir við flokkun virkjunarkosta rammaáætlunar séu bótaskyldar. Niðurstöðurnar, í grófum dráttum, eru að litlar líkur eru á að takmarkanir feli í sér bótaskyldar skerðingar. Þó kunni bótaskylda að stofnast við friðlýsingu eða við það að virkjunarkostir verði lengi í bið- og/eða verndarflokki, þannig að takmörkun rammaáætlunar teljist varanleg

Author dc:creator

• Huginn Rafn Arnarson 1987-

Contributors dc:contributor

• Háskólinn í Reykjavík

• Lögfræði
• Eignarréttur
• Virkjanir
• Skaðabætur

Language dc:language.iso

is

Handle dc:identifier.uri

http://hdl.handle.net/1946/19243

OAI identifier oai:identifier

oai:skemman.is:1946/19243