Offita kvenna, áhrif og úrræði

Offita er stærsta næringarfræðilega vandamál vestrænna ríkja nú til dags og sýnir það sig meðal annars á því að fleiri deyja af völdum offitu en vannæringu. Offita sem skilgreind er sem líkamsþyngdarstuðull ≥ 30 kg/m2 er afleiðing viðvarandi ójafnvægis á milli orkuinntöku og orkueyðslu. Afleiðingar offitu geta verið bæði líkamlegar og sálrænar. Líkamleg áhrif offitu geta verið allt frá viðvarandi verkjum í líkamanum sökum mikils álags á liði til alvarlegra sjúkdóma eins og hjarta- og æðasjúkdóma, sykursýkis 2 og krabbameins. Offita getur haft alvarleg áhrif á meðgöngu og barneignir meðal annars valdið ófrjósemi og erfiðleikum við fæðingu. Sálræn áhrif offitu geta verið slæm félagsleg staða kvenna sem glíma við offitu ásamt því að tengsl hafa fundist á milli þunglyndis og offitu. Til eru ýmis úrræði fyrir þá sem glíma við offitu. Almennt séð fela úrræðin í sér breytt mataræði, aukna hreyfingu og atferlismeðferð sem snýst um heilbrigðari lífsmáta. Lyfjagjöf og aðgerðir, sem úrræði ættu aðeins að nota þegar aðrar aðferðir sem fela í sér breyttan lífsstíl ganga ekki sem skildi. Á Íslandi eru staðir sem bjóða upp á úrræði fyrir konur sem glýma við offitu og má þar nefna Reykjalund, Heilsustofnun NLFÍ, Heilsuborg og Dansrækt JSB.

Author dc:creator

• Þórdís Skaptadóttir 1988-

Contributors dc:contributor

• Háskólinn í Reykjavík

• Íþróttafræði
• Offita
• Konur
• Tækni- og verkfræðideild

Language dc:language.iso

is

Handle dc:identifier.uri

http://hdl.handle.net/1946/16261

OAI identifier oai:identifier

oai:skemman.is:1946/16261