Kynjakvóti í hlutafélögum: Hvernig er hann, hvers vegna og hvað þarf að gerast til að hann verði virtur?

Ritgerðin fjallar um lágmarks hlutföll hvors kyns, kynjakvóta, í stjórnum hlutafélaga, hvernig hann er, hvers vegna og hvað þurfi að gerast til að hann verði virtur. Í ritgerðinni er leitast við að svara eftirfarandi rannsóknarspurningum: 1) Hvernig eru ákvæði um kynjakvótann í hlutafélagalögunum? 2) Hvers vegna ættu fyrirtæki að fjölga konum í stjórnum sínum? 3) Hvað þarf að gera til að kynjakvótinn verði virtur? Litið var til laga annarra landa og reynslu þeirra, auk ýmissa rannsókna. Íslenska lagaákvæðið um kynjakvótann var borið saman við það norska. Einnig er litið til reynslu Svía og Breta sem hafa ekki lögfest kynjakvótann, heldur hvatt fyrirtæki til að jafna kynjahlutföll í stjórnum sínum með ólíkum hætti. Tilgangurinn með rannsókninni var að varpa ljósi á til hvaða fyrirtækja kynjakvótinn næði, hvaða ávinning fyrirtæki hafi af því að hafa blandaðar stjórnir og hvað þurfi að gera til að ná kynjakvótanum, bæði varðandi stjórnarhætti fyrirtækja og hugsanlegar lagabreytingar. Konur eru í miklum minnihluta stjórnarmanna og var einnig leitast við að greina hvaða ástæður gætu legið þar að baki. Rannsóknir sýna að því jafnari sem kynjahlutföll eru í stjórn fyrirtækis, því meiri verður arðsemi þess og stjórnarhættir betri. Stjórnin getur öðlast nýja sýn á viðfangsefni, betri ákvörðunartöku og lagt meiri áherslu á ýmis konar eftirlit með rekstri fyrirtækisins. Auka þarf umræður um hvers vegna fyrirtæki ættu að fjölga konum í stjórnum sínum og framkvæmdastjórnum, upplýsingagjöf um hlutföll kynjanna í stjórnum og stjórnunarstöðum þarf einnig að efla. Umræður og upplýsingar spila stóran þátt í að kynjakvótanum verði náð og er ritgerðin einn þáttur í því. Vonast er til að ritgerðin verði hluthöfum fyrirtækja hvatning til að jafna kynjahlutföllin í stjórnum fyrirtækja sinna, að hluthafar líti ekki á kynjakvótann sem kvöð heldur sjái ávinning í að fullnægja kynjakvótanum.

Author dc:creator

• Þórdís Sif Sigurðardóttir 1978-

Contributors dc:contributor

• Háskólinn í Reykjavík

• Jafnréttismál
• Stjórnendur
• Lögfræði
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/10711

OAI identifier oai:identifier

oai:skemman.is:1946/10711