Erfðafjölbreytileiki innan íslenska hænsnastofnsins metinn með greiningu örtungla

Erfðafjölbreytileiki stofns er nauðsynlegur svo hann geti tekist á við mögulegar breytingar framtíðarinnar. Framleiðslustofnar í hænsnarækt, bæði alifugla og varphæna, eru stórir og einsleitir og áhyggjur hafa komið fram um framtíð þeirra vegna skorts á erfðafjölbreytileika. Framtíð framleiðslustofna er mikilvæg fyrir matvælaframleiðslu komandi ára og því þarf að huga að þessu. Tvínytja staðbundnir stofnar eins og íslenska landnámshænan geta verið mikilvægar auðlindir vegna þeirra ólíku erfðaeiginleika sem þeir geyma og gætu mögulega nýst í framtíðinni. Hér er greint frá rannsókn á stofni íslensku landnámshænunnar með örtunglagreiningu 170 einstaklinga og samanburði við erlenda stofna sem finnast á Íslandi. Markmið greiningar á erfðafjölbreytileika landnámshænunnar var að leiða í ljós stöðu stofnsins í samanburði við erlenda stofna, hvort nota mætti örtungl til að bera kennsl á blendinga og jafnframt hvort mögulega séu til staðar staðbundnir undirstofnar sem ber að varðveita sérstaklega til að halda í erfðafjölbreytileika stofnsins. Í ljós kom að nokkur erfðafjölbreytileiki er til staðar í stofninum og að í honum finnst að minnsta kosti einn mögulegur undirstofn sem ber að huga að við varðveisluaðgerðir

Author dc:creator

• Ólöf Ósk Guðmundsdóttir 1988-

Contributors dc:contributor

• Landbúnaðarháskóli Íslands

• Landnámshænur
• Erfðamörk
• Undirstofnar

Language dc:language.iso

is

Handle dc:identifier.uri

http://hdl.handle.net/1946/9252

OAI identifier oai:identifier

oai:skemman.is:1946/9252