Þegar vernd verður meira. Fjölvirk sjóvörn með áherslu á skynræna upplifun og endurheimt við sjó.

Hafið hefur lengi haft sérstakt aðdráttarafl á fólk. Nálægð við sjóinn getur verið róandi og endurnærandi, en á sama tíma kraftmikil og ógnandi. Fyrir höfund verkefnisins, sem ólst upp í sjávarþorpi, hefur þessi tenging verið sterk og varð kveikjan að því að skoða nánar hvernig slík upplifun mótast og hvernig hægt er að nýta hana í hönnun. Á sama tíma standa byggðir við sjóinn frammi fyrir auknum áskorunum vegna loftslagsbreytinga og hækkunar sjávarmáls. Sjóvarnir gegna þar mikilvægu hlutverki í vernd lands og byggðar en geta jafnframt myndað rof milli samfélags og sjávar og takmarkað aðgengi að ströndum landsins. Því vaknar sú spurning hvernig hægt sé að hanna slík mannvirki þannig að þau þjóni ekki aðeins verndarhlutverki, heldur verði einnig hluti af almenningsrými og styrki tengsl fólks við sjóinn. Í verkefninu er stuðst við fræðilegar rannsóknir sem fjalla um tengsl manns og sjávar, náttúrulegs vatnsumhverfis, skynræna upplifun og endurheimt, auk hugmynda um fjölvirk mannvirki í strandrýmum. Fræðin eru nýtt til að skilja hvernig nálægð við sjó og skynræn upplifun hafa áhrif á notkun strandrýmis og hvernig það má nýta í hönnun. Jafnframt er unnin greining á strandrými Kársness, þar sem horft er til landslags, aðgengis, notkunar og tengsla við sjóinn. Markmið verkefnisins er að þróa hönnunarlausn sem dregur úr því rofi sem sjóvarnargarðar skapa milli fólks og sjávar með því að mynda aðgengileg strandrými sem styðja við endurheimt og sjótengda útivist. Niðurstöður sýna að með markvissri hönnun sé hægt að þróa sjóvarnir yfir í fjölvirk mannvirki sem sameina vernd, aðgengi og upplifun og styrkja þannig tengsl fólks við sjóinn.

Author dc:creator

• Sigurrós Hallgrímsdóttir 1976-

Contributors dc:contributor

• Landbúnaðarháskóli Íslands

• Landslagsarkitektúr
• Sjóvarnir
• Strandrými
• Tengsl manns og sjávar
• Náttúrulegt vatnsumhverfi
• Fjölvirk mannvirki
• Skynræn upplifun
• Endurheimt
• Kársnes (Kópavogur)

Language dc:language.iso

is

Handle dc:identifier.uri

https://hdl.handle.net/1946/53699

OAI identifier oai:identifier

oai:skemman.is:1946/53699