Náttúruperlan Kjarnaskógur - Greining á þáttum sem stuðla að vinsældum útivistarsvæða

Sumir staðir hafa þann eiginleika að laða að fólk til útivistar án þess að það sé vitað af hverju það er og hvaða hópum staðir eru að þjóna í þessum tilgangi. Kjarnaskógur á Akureyri er einn þessara staða. Markmið verkefnisins er að kortleggja einkenni Kjarnaskógar sem útivistarsvæði, svara því hverjir sækja skóginn og í hvaða tilgangi. Í verkefninu er leitast við að svara því hvaða þættir gera útivistarsvæði vinsæl og hvað það er sem laðar fólk að. Til að svara þessu verður farið í greiningu á útivistarsvæðinu Kjarnarskógi sem almennt nýtur mikilla vinsælda. Notast verður við mismunandi aðferðir við nálgun á greiningavinnunni og farið eftir ákveðnum lykilþáttum (m.a. kenningu um val á umhverfi eftir Kaplan hjónin og 8 upplifunarsvæðum Patriks Grahn) fyrir það hvað gerir almenningssvæði góð. Greiningin og útskýringar eru settar fram á myndrænan hátt sem er ætlað að einfalda skilning á efninu. Verkefnið veitir innsýn í hvernig útivistarsvæði geta haft áhrif á upplifun og heilsu fólks. Niðurstöðurnar geta nýst við skipulag og þróun framtíðar útivistarsvæða á Íslandi með það að markmiði að skapa umhverfi sem stuðlar að vellíðan, afslöppun og dýpri tengingu við náttúruna.

Author dc:creator

• Maríanna Ósk Mikaelsdóttir 1999-

Contributors dc:contributor

• Landbúnaðarháskóli Íslands

• Landslagsarkitektúr
• Kjarnaskógur
• Útivistarperla
• Upplifunarsvæði
• Skógur
• Landslagsgreining

Language dc:language.iso

is

Handle dc:identifier.uri

https://hdl.handle.net/1946/50558

OAI identifier oai:identifier

oai:skemman.is:1946/50558