Viðarmagnsáætlun, grisjunaráætlun og samanburður við fjarkönnunargögn

Skógmælingar eru forsenda þess að hægt sé að gera umhirðu- og viðarmagnsáætlanir fyrir skóga. Mikilvægt er að huga að fjölda mælireita og ákvarða úrtakshlutfall í samræmi við breytileika skógarreitanna sem mæla á. Notkun fjarkönnunar til skógmælinga sparar tíma og kostnað en krefst þó ýmissa upplýsinga sem afla verður á jörðu niðri. Ýmis gögn fást úr fjarkönnun sem ekki fást með hefðbundnum skógmælingum. Ákveðnar takmarkanir eru þó til staðar við notkun fjarkönnunar þar sem erfitt getur reynst að mynda þétta skógarreiti og vanmat á fjölda trjáa getur átt sér stað. Með aukinni þróun og notkun tækninnar má þó reikna með að nákvæmari niðurstöður fáist. Töluverður munur var á niðurstöðum úr hefðbundnum skógmælingum og fjarkönnun á mældum reitum í verkefninu. Líklega var bæði um ofmat að ræða í hefðbundnu skógmælingunum og vanmat úr fjarkönnun. Umhirða í útivistarskógum tekur tillit til annarra þátta en í hefðbundinni timburskógrækt. Síþekjuskógrækt og misþétt grisjun er talin henta ágætlega fyrir útivistarskógrækt þar sem verið er að líkja eftir náttúrulegum skógum. Með misþéttri grisjun má skapa fjölbreyttari skóga og meira aðlaðandi, sem er lykilatriði þegar kemur að útivistarskógum.

Author dc:creator

• Gísli Guðlaugsson 1989-

Contributors dc:contributor

• Landbúnaðarháskóli Íslands

• Skógfræði
• Síþekjuskógrækt
• Misþétt grisjun
• Viðarmagnsáætlun
• Grisjunaráætlun
• Fjarkönnun

Language dc:language.iso

is

Handle dc:identifier.uri

https://hdl.handle.net/1946/50550

OAI identifier oai:identifier

oai:skemman.is:1946/50550