Samanburður á vatnsstöðu, jarðvegshita og CO2 öndunar óraskaðrar flóamýrar og framræstrar flóamýrar

Í þessari rannsókn voru gerðar samanburðarmælingar á vatnsstöðu, jarðvegshita og CO2 öndun framræstra og óraskaðra flóamýra. Einnig var leitast eftir að svara spurningunni hvort tími frá framræslu hefði áhrif á kolefnishlutfall jarðvegsins á svæðinu. Svæðið var eitt sinn samfelld óröskuð flóamýri en á árabilinu 1955 til 1977 var hún framræst að hluta og skapaði þar með svæðið sem skiptist í tvennt, óraskaða mýri og framræsta mýri. Mælt var alls á 24 punktum, 12 á hvoru svæði, jarðvegshiti, vatnsstaða og öndun CO2. Jarðvegssýni voru tekin við hvern mælipunkt til að meta hlutfall kolefnis á svæðinu. Niðurstöður mælinga á svæðunum voru bornar saman og þá kom fram verulegur munur á milli þeirra. Annarsvegar var vatnsstaðan mun lægri í framræsta stykkinu og hins vegar var öndun CO2 mun hærri eða frá því að vera tvöfalt meiri og upp í þrefalt meiri þar sem munurinn varð mestur. Hlutfall kolefnis í jarðvegi studdi þessi gögn þar sem minna var af kolefni í framræsta stykkinu, 20% til móts við 27% í óröskuðu mýrinni (25% munur). Þar af leiðandi metum við svo að framræsla hefur áhrif á öndun CO2 úr flóamýri með þeim hætti að lægri vatnsstaða eykur á öndun.

Author dc:creator

• Ingólfur Pétursson 1987-

Contributors dc:contributor

• Landbúnaðarháskóli Íslands

• Náttúru- og umhverfisfræði
• Votlendi
• Framræsla
• Gróðurhúsalofttegundir
• Loftslagsmál
• Mýri

Language dc:language.iso

is

Handle dc:identifier.uri

http://hdl.handle.net/1946/41637

OAI identifier oai:identifier

oai:skemman.is:1946/41637