Erfðabreytileiki KIT-gensins og tengsl við litafar í íslensku sauðfé

Eitt af því sem einkennir íslenska sauðfjárkynið er litafjölbreytileiki. Litafar ræðst af flóknu samspili fjölmargra gena og er KIT-genið eitt þeirra. Rannsóknir hafa sýnt fram á tengsl KIT við litafar meðal annars í svínum, nautgripum, hrossum og refum. Rannsóknir á tengslum KIT við litafar í sauðfé eru misvísandi þar sem sumar rannsóknir benda til að genið geti haft áhrif á litafar en aðrar að engin tengsl séu þar á milli. Í þessari rannsókn var markmiðið að greina hvort einhver breytileiki í KIT-geninu tengdist litafari í íslensku sauðfé. Úr sýnasafni Landbúnaðarháskóla Íslands voru 19 einstaklingar valdir út frá því að litafar hópsins væri sem fjölbreytilegast og erfðaefni þeirra raðgreint. Skoðaðar voru útraðir 10-13 og 17-21 í KIT-geninu og raðgreiningarniðurstöður bornar saman við Ramboullet Merino viðmiðunargen í forritinu Geneious Prime. Töluverður breytileiki fannst meðal annars einkirnabreytileiki (SNP), þriggja basa innsetning, auk eins basa úrfellingar og innsetningar. Breytingar fundust bæði í arfhreinum og arfblendnum einstaklingum. Þrátt fyrir þennan mikla breytileika sem fannst voru niðurstöður rannsóknarinnar þær að ekki væru bein tengsl á milli breytileika í útröðum 10-13 og 17-21 í KIT-geninu og litafars í íslensku sauðfé.

Author dc:creator

• Salbjörg Ragna Sævarsdóttir 1991-

Contributors dc:contributor

• Landbúnaðarháskóli Íslands

• Sauðfé
• Erfðabreytileiki
• Litafar
• KIT

Language dc:language.iso

is

Handle dc:identifier.uri

http://hdl.handle.net/1946/38817

OAI identifier oai:identifier

oai:skemman.is:1946/38817