Ofanvatnsskipulag Blágrænar ofanvatnslausnir í skipulagi

Vísindamenn spá nú fyrir um breytingar á veðurfari í heiminum í tengslum við hlýnun jarðar og spá þeir fyrir um aukna tíðni mikilla vatnsveðra auk ákafari regnskúra. Á mörgum þéttbýlissvæðum munu þær lausnir í veitumálum sem nú er notast við ekki ráða við þessa auknu tíðni vatnsveðra og aukið magn ofanvatns. Þetta á einnig við á ákveðnum stöðum á Íslandi bæði innan höfuðborgarsvæðisins og utan þess. Alþjóðlegar stefnur á sveitarfélagsstigi, t.d. Staðardagskrá 21, einnig þekkt sem Álaborgarsamþykktin, kalla eftir vistvænni uppbyggingu innviða í borgum og bæjum þ.m.t á veitukerfum. Mörg sveitarfélög á Íslandi svara þessu kalli í gegnum markmiðasetningu í skipulagsáætlunum sínum sem byggð eru á markmiðum ríkisins um vistvæna uppbyggingu sem mótuð eru eftir alþjóðlegum stefnum eins og heimsmarkmiðum Sameinuðu þjóðanna. Markmið rannsóknarinnar var að rannsaka er hvort hægt sé að nota skipulagskerfið á Íslandi til að auðvelda og einfalda innleiðingu svokallaðra blágrænna ofanvatnslausna á Íslandi auk þess að leitað er leiða til að samþætta það ferli betur við skipulagsferla með skipulagsáætlanir í huga. Rýnt er í skipulagsferla og skoðað verður hvernig hægt sé að nota skipulagskerfið til að vinna vistvænna skipulag í sveitarfélögum með blágrænar ofanvatnslausnir í huga þannig að hægt sé að stefna að þéttingu byggðar án þess að ganga um of á þau grænu svæði sem þegar eru til staðar innan þéttbýlisins. Niðurstöður rannsóknarinnar benda til þess að með því að vinna sérstakt ofanvatnsskipulag fyrir meðhöndlun ofanvatns með blágrænar ofanvatnslausnir í forgrunni, í formi svokallaðs sértæks skipulags yrði auðveldara að vinna út frá afrennslissvæði/vatnasviði viðkomandi svæðis. Þá gengur slíkt skipulag þvert á hverfa- og sveitarfélagsmörk auk þess að slíkt skipulag býður uppá það að skilmálar þess séu rétthærri gildandi skilmálum á deiliskipulagsstigi sem fyrir eru á svæðinu. Nýtt skipulagstæki, sértækt skipulag, þar sem meðhöndlun ofanvatns væri gefin sérstök athygli í sértæku ofanvatnsskipulagi gæti verið stórt skref á átt að í innleiðingu slíkra lausna í hið byggða umhverfi á Íslandi vegna aðlögunar að lofslagsbreytingum.

Author dc:creator

• Andri Þór Andrésson 1984-

Contributors dc:contributor

• Landbúnaðarháskóli Íslands

• Ofanvatn
• Sértækt skipulag
• Blágrænar ofanvatnslausnir
• Lýðheilsa
• Vistvænt skipulag
• Stormwater
• Overlay zoning plan
• Sustainable Urban Drainage Systems
• Public health
• Sustainable planning

Language dc:language.iso

is

Handle dc:identifier.uri

http://hdl.handle.net/1946/37290

OAI identifier oai:identifier

oai:skemman.is:1946/37290