Áhrif kjarnfóðurs í stað mjólkur á vöxt og þroska smákálfa

Markmið þessa verkefnis var að skoða áhrif kjarnfóðurs í stað mjólkur á vöxt og þroska smákálfa. Í verkefninu voru 32 kálfar sem skipt var upp í 8 meðferðahópa og voru 4 kálfar í hverjum hóp. Þrjár tímalengdir mjólkurskeiðs voru prófaðar og tveir mismunandi mjólkurduftsstyrkir (155g/L, 200g/L). Tímalengdir duftmjólkurhópanna voru 54, 38 og 25 dagar eða 2, 1,5 og 1 mánuður á frjálsum aðgangi mjólkur auk 3 daga broddgjafar. Til viðmiðunar voru tveir hópar sem fengu ferskmjólk í 52 daga ásamt sömu broddmeðferð og dufthóparnir. Frjáls aðgangur var að kjarnfóðri, heyi og vatni allan tilraunatímann sem voru 4 mánuðir (120 dagar). Allir hópar höfðu frjálsan aðgang að sinni mjólkurgerð í mismunandi tíma eftir því hvaða meðferðarhópi þeir lentu í en fráfærutíminn var jafn langur hjá öllum hópum eða 2x2 L mjólk á dag í 10 daga. Megin niðurstöður tilraunarinnar eru skýrar: - Hægt er að stytta mjólkurskeið kálfa niður í 1,5 mánuð. Þeir skila sambærilegum vexti og 2 mánaða kálfar. - Ekki skiptir máli upp á vöxt og vaxtarhraða hvort gefin er duftmjólk með 155 eða 200 g/L ef frjáls aðgangur er að mjólkinni. - Kálfar á 200g/L mjólkinni átu marktækt minna kjarnfóður en 155g/L kálfarnir. - Duftmjólkurkálfarnir stóðu sig allir betur en ferskmjólkurkálfarnir svo spyrja má sig um ágæti þess að gefa kálfum ómeðhöndlaða ferskmjólk af misjöfnum gæðum. - Ferskmjólkur kálfarnir skiluðu dýrasta eldinu. Þessar niðurstöður eru byggðar á þeim forsendum að kálfarnir hafi frjálsan aðgang að mjólk allan mjólkurskeiðstímann og kjarnfóðri, heyi og vatni frá fæðingu.

Author dc:creator

• Haukur Marteinsson 1994-

Contributors dc:contributor

• Landbúnaðarháskóli Íslands

• Fóðurblöndur
• Kálfar
• Mjólk
• Vöxtur (lífeðlisfræði)

Language dc:language.iso

is

Handle dc:identifier.uri

http://hdl.handle.net/1946/30672

OAI identifier oai:identifier

oai:skemman.is:1946/30672