Verðmæti Laugardalsins Hefur skipulag áhrif á fasteignaverð

Verðmæti útivistarsvæða hefur ekki verið mikið rannsakað hér á landi. Í þessari rannsókn er verðmæti útivistarsvæðisins í Laugardal Reykjavík skoðað út frá fasteignaverði með óbeinu verðmati (e. Hedonic price technique). Metið er hvort útivistarsvæðið sé áhrifaþáttur í fasteignaverði eða sóun á góðu byggingalandi. Á undanförnum árum hefur eftirspurn eftir byggingarlóðum verið talsvert meiri en framboð. Það er því mikilvægt fyrir skipulagsfræðinga að átta sig á verðmætum útivistarsvæða við skipulagsgerð, einnig að hægt sé að benda á hagræn rök fyrir tilurð vandaðra útivistarsvæða. Ekki er mikið af gögnum hér á landi, sem skipulagsfræðingar geta stuðst við í skipulagsgerð, sem staðfesta hagræn áhrif útivistarsvæða. Gögn er snúa að fasteignamarkaði eru hinsvegar aðgengileg, safnað saman af opinberum aðila, Þjóðskrá Íslands, og samantektir birtar á vefsíðu stofnunarinnar. I þessari rannsókn er skoðað hvort fasteignir í fjölbýli í nánd við útivistarsvæðið í Laugardalnum eru hærra verðlagðar en þær sem fjær standa. Mat er lagt á hvort merkjanlegur munur er á verði fasteignanna eftir því hversu nálægt þær eru útivistarsvæðinu í Laugardalnum, mælt í metrum. Eignunum er skipt upp í tvo flokka, annarsvegar eignir innan 200 metra frá jaðri og hinsvegar eignir utan 200 metra frá jaðri. Einnig er mat lagt á hvort útsýni, þ.e. hvort hægt er að horfa úr einhverju stað fasteignarinnar yfir Laugardalinn, hefur áhrif á verð. Með niðurstöðum rannsóknarinnar, verður hægt með þessum hætti að leggja mat á peningalegt verðmæti Laugardalsins í Reykjavík.

Author dc:creator

• Brynjar Þór Jónasson 1974-

Contributors dc:contributor

• Landbúnaðarháskóli Íslands

• Útivistarsvæði
• Laugardalurinn

Language dc:language.iso

is

Handle dc:identifier.uri

http://hdl.handle.net/1946/25098

OAI identifier oai:identifier

oai:skemman.is:1946/25098