Garður er granna sættir. Hönnun og útfærsla girðinga til skjóls og afmörkunar á einkalóðum í Reykjavík frá aldamótum 1900

Þrátt fyrir að Reykjavík sé tiltölulega ung borg hefur hún breyst mikið frá því að hún hlaut kaupstaðaréttindi árið 1786. Á þessum tíma hefur þjóðfélagið jafnframt tekið miklum breytingum. Þessar breytingar endurspeglast meðal annars í eignarhaldi lands og afmörkun þess. Áhugavert er að skoða samhengi þjóðfélagsbreytinga og þróun girðinga en þróun lóðaafmarkana í Reykjavík hefur lítið sem ekkert verið rannsökuð. Helstu markmið þessarar rannsóknar eru að skoða þróun girðinga á lóðamörkum í Reykjavík með áherslu á árabilið 1900 til 1970. Lagt er mat á hvaða ástæður geta legið að baki þeim breytingum sem dregnar eru fram. Efnið er rakið í sögulegu samhengi og tekin lýsandi dæmi. Helstu niðurstöður rannsóknarinnar eru þær að Reykjavík hefur breyst úr því að vera sveitaþorp þar sem haldnar voru skepnur í það að vera skipulögð borg á því tímabili sem rannsóknin náði til. Ástand heimsmála hefur haft áhrif á þá þróun sem varð í lóðaafmörkunum. Í upphafi þess tímabils sem var skoðað var efniviðurinn sóttur í næsta nágrenni en með aukinni kaupmennsku jókst efnisvalið. Á fyrri hluta 20. aldar voru timbur- og bárujárnsgirðingar algeng sjón og eftir miðja öldina voru steyptar girðingar teknar að rísa í ríkum mæli. Með tilkomu fyrirtækisins Mosaik, sem var í eigu ítalskra mótasmiða sem fluttust hingað frá Torino, urðu mynstursteyptar girðingar algeng sjón í Reykjavík og mynda sterkan heildarsvip víðsvegar í borginni. Undir lok þess tímabilsins sem rannsóknin nær til eru girðingar notaðar í minni mæli á lóðamörkum og gróður tekinn við.

Author dc:creator

• Ragnar Björgvinsson 1970-

Contributors dc:contributor

• Landbúnaðarháskóli Íslands

• Girðingar
• Stakket
• Mynsturgirðingar
• Skrúðgarðar
• Reykjavík
• Skipulagsfræði
• Borgarformfræði
• Mosaik

Language dc:language.iso

is

Handle dc:identifier.uri

http://hdl.handle.net/1946/23340

OAI identifier oai:identifier

oai:skemman.is:1946/23340