Áningastaðir og gönguleiðir norðan við Borgarnes

Norðan við Borgarnes er svæði sem býður upp á mikla möguleika hvað varðar áhugverðar gönguleiðir. Þar er golfvöllur sem þykir með þeim bestu á landinu og þaðan er ákaflega fallegt útsýni t.d að Hafnarfjalli, Skarðsheiði og Skessuhorni. Hinum megin við þjóðveginn er hesthúsahverfi og ofan við það er ágætis útsýni í vestur og þar sjást vel þær klettaborgir sem eru einkennandi fyrir svæðið. Nær bænum er Borg á Mýrum sem er sögulegur staður í fallegu umhverfi og þaðan er skemmtilegt útsýni yfir Borgarnes. Hér verður gerð tillaga að gönguleið um þessi svæði til að auka tækifæri fólks til að stunda hreyfingu nálægt heimili sínu auk þess að fræðast um svæðið og einkenni þess. Markmiðið er að hanna þrjá áningarstaði á þessari gönguleið þar sem hver staður tengist sínu nánasta umhverfi, það er náttúrunni, sjónlíum, sögunni og þess háttar. Með þessum gönguleiðum væri hægt að auka áhuga og þekkingu íbúa Borgarness sem og ferðamanna á þessu fallega svæði með upplýsingaveitum eða frásögnum tengdum nærumhverfinu á hverjum áningarstað fyrir sig.

Author dc:creator

• Eygló Kristjánsdóttir 1974-

Contributors dc:contributor

• Landbúnaðarháskóli Íslands

• Umlyking
• Dulúð
• Útsýni
• Náttúruskoðun

Language dc:language.iso

is

Handle dc:identifier.uri

http://hdl.handle.net/1946/13233

OAI identifier oai:identifier

oai:skemman.is:1946/13233