Fornar þjóðleiðir í Borgarfirði

Markmið þessa verkefnis er að gera tillögu að gönguleiðaneti er tengt gæti saman fornar leiðir, friðlönd og svæði á Náttúruminjaskrá í uppsveitum Borgarfjarðar. Leitast var við að svara spurningunni: Hvernig eru leiðarnar nýttar í dag og hvernig hægt er að nýta þær áfram með tilliti til útivistar. En fremur hvort hægt væri að tengja þessar fornu leiðir við friðlönd og svæði á Náttúruminjaskrá. Safnað var saman eldri og nýjum heimildum, bæði rituðum og munnlegum. Gátlisti var búin til með það í huga að meta ástand fornu leiðanna. Einnig eru lagðar fram tillögur til úrbóta þar sem þess þarf og lagðar fram hugmyndir að nýtingu leiða sem fallnar eru í gleymsku. Til eru margar fornar leiðir í Borgarfirði. Sumar hafa hins vegar farið undir vegalagningu að hluta vegna þess hve leiðirnar lágu vel í landinu og voru auðfarnar. Einhverjar leiðir hafa farið undir vegi sem voru notaðir áður fyrr, en eru núna bara slóðar sem ekki er haldið við eða þá að um að ræða gamla línuvegi. Einstaka leiðir hafa varðveist án teljanlegrar röskunar á seinni tímum. Í verkefninu er fjallað um þær leiðir sem eru lítt farnar af vélknúnum farartækjum í dag eða næstum ósnertar. Valdar voru fimm mismunandi leiðir, og þeim skipt niður á láglendi, heiðar og hálendi. Þetta er gert til að fá þversnið yfir fjölbreytileika lands og leiða. Ekki vannst tími til að skoða allan þann fjölda af leiðum sem til eru á svæðinu en reynt er að beita aðferðum sem hægt væri að þróa og nota við aðrar leiðir.

Author dc:creator

• Lydía Guðrún Gísladóttir 1970-

Contributors dc:contributor

• Landbúnaðarháskóli Íslands

• Borgarfjörður
• þjóðleiðir

Language dc:language.iso

is

Handle dc:identifier.uri

http://hdl.handle.net/1946/10824

OAI identifier oai:identifier

oai:skemman.is:1946/10824